წყალსატევს დაწაფული ირმები

წყალსატევს დაწაფული ირმები — ქვაზე კვეთილობა ატენის სიონზე გორის მუნიციპალიტეტის, სოფელ დიდ ატენში. ტიმპანის ფილაზე ამოკვეთილია წყალსატევს დაწაფული ორი ირემი. ქვის კვეთილობა V საუკუნით თარიღდება. იგი მოთავსებულია ჩრდილოეთ ფასადზე, შესასვლელის თავზე. ქვის კვეთილობის სცენა გაშლილია ჰორიზონტალურად, სიბრტყის ზედა ნაწილში ქვის სამი ნაჭერია ჩადგმული. კომპოზიციის ცენტრში გამოსახულია წყალსატევი წრის სახით. წრეს სქელი არშია აქვს შემოვლებული და შევსებულია წვრილ-წვრილი წრეებით, ცენტრალურ წრეში ბუყ-ბუყა წყლის დეკორატიული რელიეფია გაკეთებული. კვეთილობის ორივე მხარეს ირმების იდენტური გამოსახულებაა. ისინი, თავდახრილები, წყალს ეწაფებიან. მათი დიდი, განტოტვილი რქები მიჰყვება წყალსატევის მომრგვალებას და ზემოთ იშლება.

რესურსები ინტერნეტშირედაქტირება