წინუბნის ღვთისმშობლის ეკლესია

წინუბნის ღვთისმშობლის ეკლესია — ეკლესიები ახმეტის მუნიციპალიტეტში, სოფელ წინუბანში. დგას სოფლის ჩრდილო-დასავლეთით 200 მეტრზე. განეკუთვნება გვიანდელ შუა საუკუნეებს.

ეკლესია უაფსიდოა (4,3 X 3,6 მ), ნაგებია ნატეხი ქვით. წყობა ირეგულარულია. შემორჩენილია მხოლოდ ჩრდილო და დასავლეთ კედლების ნაწილები (სიმაღლე 1,3-1,5 მ). ეკლესიას შესასვლელი დასავლეთიდან ჰქონია.

ლიტერატურა

• ჭინჭარაძე დ., საქართველოს ისტორიისა და კულტურის ძეგლთა აღწერილობა, ტ. 2, თბ., 2008. — გვ. 160.