შემოდგომის შავი

შემოდგომის შავი — ქართული აბორიგენული წითელყურძნიანი ვაზის ჯიში იმერეთიდან.

ბოტანიკური აღწერა

ზრდასრული ფოთოლი საშუალო ან საშუალოზე დიდი ზომისაა, ძლიერად დანაკვთული, ხუთნაკვთიანი. ფოთლის ქვედა მხარე დაფარულია სუსტი აბლაბუდისებრი შებუსვით. ყვავილი ორსქესიანია. მტევანი საშუალო ზომისაა, კონუსური, ზოგჯერ ცილინდრულ-კონუსური ფორმის, ფრთიანი. საშუალო სიკუმსისაა. ზოგჯერ თხელი. მარცვალი საშუალო ზომისაა, ოვალური.

სიმწიფის საშუალო პერიოდის ვაზია, საშუალო ან საშუალოზე ძლიერი ზრდის.

ლიტერატურა

• უჯმაჯურიძე ლ., კაკაბაძე გ., მამასახლიშვილი ლ., „ქართული ვაზის ჯიშები“, თბ., 2018, გვ. 418-420