ყვავისფრჩხილა

ყვავისფრჩხილა (ლათ. Securigera varia) — 30-100 სმ-მდე სიმაღლის მრავალწლიანი ბალახოვანი მცენარეა. ღერო მრავალია, სწორად მდგომი, წამოწეული ან გართხმული, მეტ-ნაკლებად დატოტვილი. ფოთლები შედგება 7-12 წყვილი ფოთოლაკისაგან. ფოთოლაკები ოვალურია ან მოგრძო-ხაზური, ბლაგვი და მოკლეყუნწიანი. ყვავილედი ქოლგისებური მტევანია, 12-20-ყვავილიანი. გვირგვინი ვარდისფერია ან თეთრი. იზრდება მთის ქვედა და შუა სარტყების, ტყისპირა ადგილებში, ბუჩქნარებსა და ნათესებში. გავრცელებულია მთელ საქართველოში. გავრცელების საერთო არეალი მოიცავს კავკასიას, შუა აზიას, ცენტრალურ და სამხრეთ ევროპას, მცირე აზიას.

ყვავისფრჩხილა
მეცნიერული კლასიფიკაცია
სამეფო:  მცენარეები განყოფილება:  ფარულთესლოვნები კლასი:  ორლებნიანნი ოჯახი:  პარკოსნები გვარი:  Securigera სახეობა:  ყვავისფრჩხილა
ლათინური სახელი
Securigera varia (L.) Lassen
სისტემატიკა ვიკისახეობებში სურათები ვიკისაწყობში ITIS   521245 NCBI   53861 EOL   703877 IPNI   946592-1 TPL   ild-33053

გალერეა

• 
  ყვავილი
• 
  ფოთლები
• 
  ილუსტრაცია

ლიტერატურა

• სუხიტაშვილი კ., საქართველოს ყვავილოვანი მცენარეები, თბ., 2018, გვ. 458.