ღია ბრამა

ღია ბრამა — ქათმის სახორცე-მეკვერცხული მიმართულების პროდუქტიულობის ჯიში. გამოყვანილია ჩრდილოეთ ამერიკაში, რუხი კოხინხინისა და რუხი მალაიური ქათმის საფუძველზე. შეფერილია ვერცხლისფერ-თეთრად, ბუმბული ფაშარია, აქვს ფერფლისფერი ღინღლი. თავი მცირე ზომისაა, ბიბილო ჭოტისებრი. კანი ყვითელი ფერისაა, ფეხის გარე და შუა თითი შებუმბლულია. მამლის ცოცხალი მასაა 4,5 კგ, დედლისა — 3,5 კგ. კვერცხმდებლობა შედარებით დაბალია — 120 კვერცხი წელიწადში, მისი მასა 60 გრამია, ნაჭუჭი ღია ყავისფერია.

დედალი, მამალი და კვერცხი