ქორწინება (პიესა)
ქორწინება (რუს. Сва́дьба) — ანტონ ჩეხოვის ერთმოქმედებიანი პიესა, რომელიც 1889 წელს დაიწერა. პირველად ცალკეულ ლითოგრაფიულ გამოცემაში გამოქვეყნდა: ქორწინება. ა. ჩეხოვის სცენა ერთ მოქმედებად. კომისიონერ ს. რასოხინის რუსი დრამატული მწერლების საზოგადოების ლითოგრაფია — მოსკოვი: (ცენზურამ დაუშვა 1890 წლის 25 აპრილს; დღის სინათლეზე გამოვიდა 1890 წლის 24-31 ოქტომბერს; დაიბეჭდა 110 ეგზემპლარი). პიესა გარკვეული ცვლილებებით ადოლფ მარქსის გამოცემის მე-7 ტომში შევიდა (1902, გვ. 259–276).
| ქორწინება | |
|---|---|
| ჟანრი | პიესა |
| ავტორი | ანტონ ჩეხოვი |
| მშობლიური ენა | რუსული |
| დაწერილია | 1889 |
| გამოცემულია |
1890 წლის 24-31 ოქტომბერს შესწორდა 1902 წელს |
ანალოგიური სიუჟეტი და ზოგიერთი მოქმედი პირია წარმოდგენილი — მოთხრობაში „გენერალთან ქორწინება“. გარდა ამისა, ავტორმა აგრეთვე გამოიყენა ადრე გამოქვეყნებული მოთხრობის, „გარიგების“ გარკვეული ელემენტები.
მოქმედი პირები
რედაქტირება- ევდოკიმ ზახაროვიჩ ჟიგალოვი, კოლეჯის გადამდგარი რეგისტრატორი.
- ნასტასია ტიმოფეევნა, მისი ცოლი.
- დაშენკა, მათი ქალიშვილი.
- ეპამინონდ მაქსიმოვიჩ აპლომბოვი, მისი საქმრო.
- ფიოდორ იაკოვლევიჩ რევუნოვ-კარაულოვი, გადამდგარი მე-2 რანგის კაპიტანი.
- ანდრეი ანდრეევიჩ ნიუნინი, სადაზღვევო საზოგადოების აგენტი.
- ანა მარტინოვნა ზმეიუკინა, 30 წლის ბებიაქალი, ღია ალისფერი კაბით.
- ივან მიხაილოვიჩ იატი, ტელეგრაფისტი.
- ხარლამპი სპირიდონოვიჩ დიმბა, ბერძენი კონდიტერი.
- დიმიტრი სტეპანოვიჩ მოზგოვოი, მოხალისეთა ფლოტის მატროსი.
- მძღოლები, კავალერები, ლაქია და სხვ.
დადგმები
რედაქტირება- 1996 — პეტრე ფომენკოს კურსი რუსეთის თეატრალური ხელოვნების ინსტიტუტში. რეჟისორი პეტრე ფომენკო; პაველ სბორშჩიკოვი (ჟიგალოვი), ელენა ნევეჟინა და გალინა კაშკოვსკაია (ნასტასია ტიმოფეევნა), ოლგა ლევიტინა (დაშენკა), კარენ ბადალოვი (აპლომბოვი), მიხეილ კრილოვი და ვალიუს ტერტელისი (რევუნოვ-კარაულოვი), ტომას მოცკუსი (ნიუნინი), ნატალია ბლაგიხი და მარინა გლუხოვსკაია (ზმეიუკინა), პრიიტ რუტასი (იატი), ბენიამინ სკალნიკი (დიმბა)[1]
გამოყენება
რედაქტირებაპიესის ეკრანიზაციიდან წამოვიდა დიმბას მიერ წარმოთქმული ფრთიანი ფრაზა: „საბერძნეთში ყველაფერია“.[2]
ეკრანიზაცია
რედაქტირებაოპერა
რედაქტირებავოდევილის სიუჟეტზე შეიქმნა ამავე სახელწოდების კომიკური ოპერა „ქორწინება“. კომპოზიტორი: ვლადიმერ ერენბერგი; პირველი დადგმა: ზიმინის ოპერის თეატრი, მოსკოვი, 1916 წელი.