ფრანით მორბენალი

„ფრანით მორბენალი “ (ინგლ. The Kite Runner) — ხალედ ჰოსეინის ავღანური სადებიუტო რომანი, რომელიც საკმაოდ წარმატებული აღმოჩნდა.

„ფრანით მორბენალი“
The Kite Runner
წიგნის ყდა
ავტორი	ხალედ ჰოსეინი
ქვეყანა	ინგლისი
ენა	ინგლისური ენა
ჟანრი	ახალგაზრდული ლიტერატურა, რომანტიკული რომანი
გამოცემის თარიღი	2003
მთარგმნელი	ლალი ყუშიტაშვილი
მედია	წიგნი ( რბილი ყდა)
გვერდი	393
მომდევნო	ათასი მოელვარე მზე
ISBN	ISBN 978-9941-463-88-4

გაყიდული ეგზემპლარების რაოდენობამ, აშშ-სა და მის ფარგლებს გარეთ 21 მილიონს მიაღწია. რომანზე უამრავი რეცენზია დაიწერა, გაიხსნა კლუბები, გადაიღეს ფილმი. ნაწარმოები დამამთავრებელ კლასებში სავალდებულო საკითხავ ლიტერატურად გამოცხადდა. ბევრისთვის რომანი სამაგიდო წიგნად იქცა.

წიგნში მოთხრობილი ამბავი ავღანეთში ვითარდება. „1978 წლის დეკემბერს, იმ ქუჩებში, სადაც მე და ჰასანი ვთამაშობდით, რუსული ტანკები გამოჩნდებიან. ისინი თან ჩემი ვღანეთის სიკვდილს მოიტანენ“ – ამბობს რომანის ერთ-ერთი პერსონაჟი. ავღანეთში საბჭოთა კავშირის შეჭრას ავტორი მშვიდობიანი ცხოვრების დასასრულის დასაწყისს უწოდებს. მოგვიანებით ერთი უბედურება მეორეთი იცვლება. თალიბანი ავღანელებისთვის კიდევ უფრო სასტიკი მტერი აღმოჩნდა, ვიდრე საბჭოთა კავშირი. განუკითხაობა, სექსუალური ძალადობა, ობოლი ბავშვები, მათხოვრებით მოფენილი ქუჩები – ასეთია ავტორის მიერ დახატული ავღანეთი. ამერიკელი კრიტიკოსების აზრით, რომანის თავბრუდამხვევი წარმატების ერთ-ერთი მიზეზი ისიც იყო, რომ 2003 წელს, როდესაც წიგნი გამოვიდა, ამერიკულ საზოგადოებაში ავღანეთის მიმართ უდიდესი ინტერესი არსებობდა. ნაწარმოებში ავტორი ეხება რელიგიურ, ფილოსოფიურ, ლიტერატურულ საკითხებს. გვაცნობს ავღანელთა ცხოვრების წესს, ტრადიციებს, ჩვეულებებს.

რესურსები ინტერნეტში

• ფრანით მორბენალი საიტზე Goodreads