უფოლოგია
უფოლოგია (ინგლ. ufology) — ადამიანის მოღვაწეობის სფერო, რომელიც მოიცავს ამოუცნობი მფრინავ ობიექტებზე დაკვირვებების შეგროვებას, მათი ჭეშმარიტების დადგენას და ასევე მცდელობას მიეცეთ მათ მეცნიერული განმარტება. დღესდღეობით უფოლოგია დახასიათებულია, როგორც ნაწილობრივი[1] ან სრული[2][3] ფსევდომეცნიერება, რასაც მრავალი უფოლოგი არ ეთანხმება.[4]
უფოლოგია
რედაქტირებატერმინი უფოლოგია ინგლისურ ენაში გაჩნდა 1959 წელს. ის წარმოსდგება აბრევიატურა „UFO“ — Unidentified Flying Object-ისგან, რომლის ქართული ანალოგია „ამო“- ამოუცნობი მფრინავი ობიექტი.
უფოლოგიური ორგანიზაციები
რედაქტირება1940-იანი წლების ბოლოში აშშ-ში და შემდეგ მთელ სამყაროში გამოჩნდნენ ჯგუფები, რომლებიც შეისწავლიდნენ შეტყობინებებს „ამო“-ების გამოჩენის შესახებ. უთვალავი მოყვარული უფოლოგიური ორგანიზაციის გარდა ამ ფენომენის შესასწავლად სხვადასხვა ქვეყნების მთავრობების მიერ სპეციალური პროექტები იქმნებოდა. პირველი ასეთი ჯგუფი შექმნეს ინგლისელებმა 1943 წელს, რომელიც შეისწავლიდა „ფუ-ფაითერებს“ (მფრინავ მანათობელ ბურთებს, რომლებიც მასიურად ფიქსირდებოდნენ მეორე მსოფლიო ომის პერიოდში სამხედრო პილოტების მიერ).
- 1947 წელს აშშ-ის სამხედრო საჰაერო ძალების მიერ შეიქმნა „ამო“-ების შემსწავლელი პროექტი „საინი“ (ინგლ. Project Sign)
- 1949 წელს კი შექმნეს საიდუმლო პროექტი „გრაჯი“ (ინგლ. Proect Grudge)
- 1952 წელს ამ პროექტს „ცისფერი წიგნი“ ეწოდა. (ინგლ. Blue book)
„ამო“-ის შესწავლაში ასევე აქტიურად იღებდა მონაწილეობას აშშ-ს ცენტრალური სადაზვერვო სამმართველო, ხოლო საბჭოთა კავშირში სახელმწიფო უსაფრთხოების კომიტეტი.
უფოლოგია საქართველოში
რედაქტირებაამ სტატიაში არ არის მითითებული სანდო და გადამოწმებადი წყარო. |
საქართველოში ამოუცნობი ობიექტების მიმართ ინტერესი გაჩნდა ე.წ. „პერესტროიკის“ დროს, როდესაც პრესაში მსგავს თემებზე ტაბუ მოიხსნა. 1988 წელს საქართველოს პრესაში გამოჩნდა რამდენიმე სენსაციური სტატია, რომელმაც ძალზედ დიდი რეზონანსი გამოიწვია საზოგადოებაში და გააღვია ინტერესი მსგავსი ფენომენების მიმართ. ამ პერიოდში ანომალურ მოვლენებს შეისწავლიდა ფიზიკოსი თალეს შონია.
მან შექმნა უდიდესი არქივი საქართველოში რეგისტრირებული მსგავსი მოვლენებისა. 1991-1992 წლებში თბილისში მომხდარ სამხედრო გადატრიელებას შეეწირა მისი არქივი. მეცნიერებათა აკადემიის სარდაფში გაჩენილი ხანძარი ლაბორატორიის განადგურების მიზეზი გახდა.
1994 წელს შეიქმნა საქართველოს უფოლოგიური ასოციაცია (სუფოა). „სუფოა“ საქართველოში ანომალური მოვლენების რეგისტრაციას და მონაცემების კატალოგიაზაციას აწარმოებს. „სუფოა“-ს დაფუძნებული იყო პირველი ქართული უფოლოგიური გაზეთი „ამოუცნობი“.
დაფინანსების უქონლობასთან დაკავშირებით „სუფოა“-ს 2007 წლიდან 2011 წლამდე შეჩერებული ჰქონდა კვლევითი სამუშაოები საქართველოს მთელს ტერიტორიაზე. 2011 წლის მაისიდან „სუფოა“-მ განაახლა მუშაობა.
2013 წლიდან „სუფოა“-მ იცვალა პროფილი და მის ბაზაზე შეიქმნა „პროექტი ორიონი“.
რესურსები ინტერნეტში
რედაქტირება- Ufology News
- Center for UFO Studies
- Mutual UFO Network
- Groupe d'Études et d'Informations sur les Phénomènes Aérospatiaux Non-identifiés
- British UFO Research Association
- Committee for Skeptical Inquiry UFO resources დაარქივებული 2011-09-02 საიტზე Wayback Machine.
- Largest searchable UFO picture database on the net დაარქივებული 2019-06-03 საიტზე Wayback Machine.
სქოლიო
რედაქტირება- ↑ Tuomela, Raimo (1985). Science, action, and reality. Springer, გვ. 234. ISBN 90-277-2098-3.
- ↑ Feist, Gregory J. (2006). The psychology of science and the origins of the scientific mind. Yale University Press, გვ. 219. ISBN 0-300-11074-X.
- ↑ Restivo, Sal P. (2005). Science, technology, and society: an encyclopedia. Oxford University Press US, გვ. 176. ISBN 0-19-514193-8.
- ↑ Friedman, Stanton T. (2009-05-30). „Pseudo-Science of Anti-Ufology“. The UFO Chronicles. ციტირების თარიღი: 2010-05-03. დამოწმება journal საჭიროებს
|journal=-ს (დახმარება)