ტყის ბალბა

ტყის ბალბა (ლათ. Malva sylvestris) — 10-100 სმ სიმაღლის ერთ, ორ ან მრავალწლიანი ბალახოვანი მცენარეა. ღერო დატოტვილია, სწორად მდგომი, შიშველია ან მეტ-ნაკლებად სქლად მოფენილი მარტივი ან ორკაპისებური ბეწვებით. ფოთლები გრძელყუნწიანია, მომრგვალოთირკმლისებური, 5-7 მრგვალკბილა ნაკვთებით. ყვავილები იღლიურია, 2-5 ერთად არის განლაგებული ღეროს ზედა ნაწილში. გვირგვინი იისფერია. იზრდება ტყის ქვედა და შუა სარტყლებში – ბუჩქნარებში, ნათელ ტყეებსა და რუდერალურ ადგილებში. გავრცელებულია მთელ საქართველოში. გავრცელების საერთო არეალი მოიცავს კავკასიას, ცენტრალურ და სამხრეთ ევროპას, მცირე აზიასა და ირანს.

ტყის ბალბა
მეცნიერული კლასიფიკაცია
სამეფო:  მცენარეები განყოფილება:  ფარულთესლოვნები კლასი:  ორლებნიანნი ოჯახი:  ბალბისებრნი გვარი:  ბალბა სახეობა:  ტყის ბალბა
ლათინური სახელი
Malva sylvestris L.
სისტემატიკა ვიკისახეობებში სურათები ვიკისაწყობში ITIS   21840 NCBI   145754 EOL   584656 IPNI   561932-1 TPL   kew-2504118

გალერეა

• 
  ყვავილი
• 
  ფოთლები
• 
  თესლები
• 
  ნაყოფი
• 
  ილუსტრაცია

ლიტერატურა

• სუხიტაშვილი კ., საქართველოს ყვავილოვანი მცენარეები, თბ., 2018, გვ. 492.