ტორე გლორიესი

ტორე გლორიესი (ესპ. Torre Glòries) ადრე ცნობილი როგორც ტორე აგბარი (კატალ. ან ესპ., Aguas de Barcelona, წყლის კომპანია), ან აგბარის კოშკი, XXI საუკუნის ცათამბჯენი ბარსელონაში, კატალონია (კოორდ. 41°24′12″N, 02°11′22″E). პროექტი ეკუთვნის ფრანგ არქიტექტორ ჟან ნუველს. გაიხსნა 2005 წლის ივნისში, ხოლო ოფიციალური ინაუგურაცია მოხდა 2005 წლის 16 სექტემბერს.

ტორე გლორიესი, ბარსელონა

დეტალი

ჟან ნუველის თქმით, ტორე აბგარის ფორმა მონსერას მთებისა და გეიზერის წყლის ჭავლის შთაგონებით შეიქმნა. თუმცა ბევრი მას უფრო უზარმაზარ ფალოსს ამსგავსებს. შენობას 30 000 მ² მიწის ზემო საოფისე ფართი აქვს, 3210 მ² ტექნიკური მომსახურების სართულებზე და 8351 მ² სერვისებისთვის, აუდიტორიის ჩათვლით. სიმაღლით 144.4 მეტრია და 38 სართული აქვს, მათ შორის 4 მიწისქვეშა დონე.

შენობის დიზაინი რამდენიმე განსხვავებული არქიტექტურული კონცეფციის შერწყმით შეიქმნა, რის შედეგადაც მიღებულ იქნა არმირებული ბეტონისა და მინის ფასადის თვალისმომჭრელი კონსტრუქცია 4500 ფანჯრით.

შენობა ქალაქში მყისვე თვალში საცემია; ის სიმაღლით მესამეა ბარსელონაში ჰოტელ არტსისა და ტორე მაპფრეს შემდეგ (ორივე 154 მ). შენობის უნიკალური თვისება გარდამავალი განათებისა და არკევლის სისტემაა. მას 4500 მისანათი მოწყობილობა აქვს, რაც ფასადზე სხვადასხვა გამოსახულების მიღების საშუალებას იძლევა. ამასთან, ტემპერატურის სენსორები გარე კედლებზე ავტომატურად არეგულირებს შენობის მინის დარაბების გახსნასა და დახურვას, ჰაერის კონდიცირებისთვის მოხმარებული ენერგიის დაზოგვის მიზნით. შენობაში განთავსებულია ბარსელონას წყლის კომპანიის სათავო ოფისი.

იხილეთ აგრეთვე

• გერკინი (30 St Mary Axe) არქიტექტურულად მსგავსი შენობა ლონდონში.

რესურსები

• ტორე გლორიესი - სტატიების ნაკრები
• ტორე გლორიესის საიტი (Macromedia Flash) დაარქივებული 2005-08-29 საიტზე Wayback Machine.
• ტორე გლორიესი: ფოტოები და ტექნიკური ინფორმაცია დაარქივებული 2012-01-11 საიტზე Wayback Machine.
• გლორიესის კოშკი დაარქივებული 2007-05-16 საიტზე Wayback Machine.

ვიკისაწყობში არის გვერდი თემაზე:

ტორე გლორიესი