ტარიელ გელანტია
ტარიელ გელანტია (დ. 18 მარტი, 1951, ხობი — გ. 17 ოქტომბერი, 2019) — ქართველი ეკონომისტი, მეცნიერი, პოლიტიკოსი. ეკონომიკის მეცნიერებათა დოქტორი.
| ტარიელ გელანტია | |
|---|---|
| დაბადების თარიღი | 18 მარტი, 1951 |
| დაბადების ადგილი |
ხობი, .svg){kind=small} საქართველოს სსრ,  სსრკ |
| გარდაცვალების თარიღი | 17 ოქტომბერი, 2019 (68 წლის) |
| მოქალაქეობა |
სსრკ → საქართველო |
| განათლება | თბილისის სახელმწიფო უნივერსიტეტი |
| ეროვნება | ქართველი |
დაამთავრა თბილისის სახელმწიფო უნივერსიტეტის ეკონომიკის ფაკულტეტი. 1978-1990 წლებში ეწეოდა სამეცნიერო-პედაგოგიურ მოღვაწეობას თბილისის სახელმწიფო უნივერსიტეტში, იყო პოლიტიკური ეკონომიკის კათედრის ასისტენტი, დოცენტი. 1983-1990 წლებში მუშაობდა შეთავსებით ჟურნალ „ეკონომისტის“ განყოფილების გამგე. 1990-1991 წლებში იყო საქართველოს უზენაესი საბჭოს წევრი: მაჟორიტარი, ხობის საარჩევნო ოლქი, პრეზიდიუმის წევრი, საფინანსო-საბიუჯეტო კომისიის თავმჯდომარე (1991-1992). ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი).