სტან სტორიმანსი
სტან სტორიმანსი (ნიდერლ. Stan Storimans; დ. 8 იანვარი, 1969, ტილბურგი, ნიდერლანდები — გ.12 აგვისტო, 2008, გორი, საქართველო) — ჰოლანდიელი ტელეოპერატორი, RTL-TV-ის თანამშრომელი, დაიღუპა აგვისტოს ომის (2008) დროს, გორის დაბომბვისას.
დაღუპვა რედაქტირება
ჰოლანდიელი ოპერატორი რუსეთის ფედერაციის ავიაციის მიერ 12 აგვისტოს გორის კასეტური ჭურვებით დაბომბვას ემსხვერპლა ქალაქის ცენტრალურ მოედანზე.[1] სხვა მშვიდობიან მოსახლეობასთან ერთად დაიჭრნენ სტორიმანსის ჰოლანდიელი ჟურნალისტი იერონ აკერმანსი და მათი ებრაელი კოლეგა ცადოკ იეჰეცკელი. ”ასოშეიტიდ პრესი” ასევე იუწყებოდა ქართველი ჟურნალისტისა და მისი მძღოლის დაღუპვის შესახებაც.[2]
საერთაშორისო რეაქცია რედაქტირება
ჰოლანდიური მხარის მიერ სტორიმანსის გარდაცვალების გამოძიებამ კიდევ ერთხელ დაადასტურა რუსული მხარის მიერ კასეტური იარაღის გამოყენება.[3] ნიდერლანდების სამეფოს საგარეო საქმეთა მინისტრმა მაქსიმ ვერჰაგენმა განაცხადა, რომ აღნიშნული საკითხის განხილვა ეუთოს ფარგლებში მოხდებოდა.[4]
სტან სტორიმანსის სტიპენდია რედაქტირება
საქართველოს პირველი ლედის სანდრა რულოვსის ინიციატივით დაარსდა სტორიმანსის სახელობის სტიპენდია, რომელიც განკუთვნილია ახალგაზრდა ქართველი ჟურნალისტებისა და ჟურნალისტიკის ფაკულტეტის სტუდენტებისთვის.[5]
სქოლიო რედაქტირება
- ↑ ნიდერლანდური ტელევიზიის ოპერატორი სტან სტორიმანსი რუსული კასეტური საბრძოლო ნაწილით დაიღუპა.
- ↑ (ინგლისური) Georgian journalist, driver killed in Gori--witness.
- ↑ (ინგლისური) Cameraman killed by Russian bomb.
- ↑ (ინგლისური) Dutch government probe finds Russian cluster bomb killed journalist in Georgia in August. დაარქივებული 2016-03-04 საიტზე Wayback Machine.
- ↑ (ინგლისური) Stan Storimans' Scholarship. დაარქივებული 2011-09-21 საიტზე Wayback Machine.