პატარა ლიახვი: განსხვავება გადახედვებს შორის

'''პატარა ლიახვი''' — [[მდინარე]] [[საქართველო]]ში, [[გორის მუნიციპალიტეტი|გორისა]] და [[ერედვის მუნიციპალიტეტი|ერედვის მუნიციპალიტეტებში]]; [[მაღრან-დვალეთის კავკასიონი]]ს სამხრეთ კალთასა და [[შიდა ქართლის ვაკე]]ზე. სიგრძე 65 [[კილომეტრი]], აუზის ფართობი 513 კმ². სათავე აქვს [[გუდისის ქედი]]ს სამხრეთ-აღმოსავლეთ კალთაზე, ზღვის დონიდან 2920 მეტრზე. ერთვის [[დიდი ლიახვი|დიდ ლიახვს]] მარცხნიდან სოფელ [[შერთული|შერთულთან]]. საზრდოობს [[თოვლი]]ს, წვიმისა და მიწისქვეშა წყლით. [[წყალდიდობა (წყლის რეჟიმი)|წყალდიდობა]] იცის [[გაზაფხული|გაზაფხულზე]], [[წყალმცირობა]] — [[ზამთარი|ზამთარში]], [[წყალმოვარდნა]] — [[ივლისი]]დან [[დეკემბერი|დეკემბრამდე]]. გაზაფხულზე მოდის წყლის ჩამონადენის 45 %, [[ზაფხული|ზაფხულზე]] — 33 %, [[შემოდგომა]]ზე — 12 %, ზამთარზე — 10 %. საშუალი წლიური ხარჯი შესართავთან 12,3 მ³/წმ. ზამთარში დროდადრო ჩნდება ყინულნაპირისი და [[ძგიფი]]. იყენებენ სარწყავად.