'''ტოლედოს საკათედრო ტაძარი''' ({{lang-es|La catedral de Santa María de Toledo}}) — [[კათოლიკობა|კათოლიკური]] ტაძარი [[ესპანეთი|ესპანეთში]], ესპანეთში XIII საუკუნის მაღალი [[გოტიკური არქიტექტურა|გოტიკური სტილის]] სამი კათედრალიდანსაკათედრო ტაძრიდან ერთ-ერთი და ამ ქვეყანაში გოტიკური სტილის უმნიშვნელოვანესი ნიმუში. მისი მშენებლობა [[1226]] წელს დაიწყო [[ფერდინანდ III]]-ის მეფობის პერიოდში. მასში ბოლო გოთური დეტალები დამატებულ იქნა XV საუკუნეში, [[1493]] წელს, ხოლო გუმბათები და ცენტრალური ნავი კათოლიკე მონარქების პერიოდში დასრულდა. ტაძრის პროტოტიპად ბურგესის კათედრალი გამოიყენეს, თუმცა მისი ხუთნავიანი გეგმა მშენებელთა გამიზნული ცვლილება იყო, რათა კათედრალით მთლიანად დაეფარათ ქალაქის ყოფილი მეჩეთის წმინდა ადგილი. მასში ასევე შერწყმულია მუდეხარის სტილის ნიშნები, განსაკუთრებით თაღედში. განსაკუთრებით თვალშისაცემია სინათლის გამოყენება და ამბულატორული თაღების სტრუქტურული მიღწევები. ნაგებია ოლიჰუელას თეთრი ქვით (ტოლედოს შორიახლოს მდებარე მცირე დასახლება).
