რუსეთის ტბები: განსხვავება გადახედვებს შორის

[[რუსეთი|რუსეთის ტერიტორიაზე]] — 2,7 მილიონზე მეტი მტკნარი და მლაშე ტბაა, რომელთა საერთო ფართობია 400 ათ. კმ²-ზე მეტი ([[კასპიის ზღვა|კასპიის ზღვა-ტბის]] გამოკლებით).<ref>Большая Российская энциклопедия. В 30 томах. Вводный том. Россия. 2004</ref> ტბიური წყლების საერთო მარაგი აღწევს 26 ათ. კმ³-ს. ტბების დიდ ნაწილს აქვს [[მყინვარული ტბა|მყინვარული წარმოშობა]].

რუსეთის ტერიტორიის საერთო ტბიანობა აჭარბებს 2 %-ს და მერყეობს 12,6 %-იდან პრაქტიკულად ნულოვან ნიშნულამდე. ყველაზე ტბიური რაიონია რუსეთის ჩრდილო-დასავლეთი ნაწილი, კერძოდ, [[კარელიის რესპუბლიკა|კარელია]], სადაც 61 ათ.-ზე მეტი ტბაა.<ref>[https://bigenc.ru/geography/text/2046390 Большая российская энциклопедия]</ref>

[[რუსეთი]]სა და [[ციმბირი]]ს უდიდესი ტბაა (კასპიის გამოკლებით) — [[ბაიკალი]], რომელიც ამასთანავე უღრმესია [[დედამიწა]]ზე; ბაიკალი შეიცავს რუსეთის ტბიური მტკნარი წყლის 85 %-ს და მსოფლიო მტკნარი წყლების მარაგის 22 %-ს. ტბის სიგრძეა — 636 კმ, საშუალო სიგანე — 48 კმ; საერთო ფართობი 31,7 ათ. კმ²; მაქსიმალური სიღრმე 1620 მ. ბაიკალი განლაგებულია რიფტულ ხეობაში და მისი ასაკია დაახლოებით 25–3025 მლნ. წელი.<ref>[http://bse.sci-lib.com/article089594.html Байкал // Большая советская энциклопедия]</ref> დიდი სიღრმეებით გამოირჩევა აგრთვე ტბა [[ტელეცკოე]] (325 მ) ალთაიში და [[ხანტაის ტბა]] (520 მ) კრასნოიარსკის მხარეში.

რუსეთის ტბების უდიდესი ნაწილი მიეკუთვნება შედარებით პატარა ტბების ჯგუფს; არსებობს მარილიანი ტბებიც, რომელთაგან უდიდესია ციმბირის სამხრეთ-დასავლეთით მდებარე [[ჩანის ტბა]] (1990 კმ²).<ref>[https://water-rf.ru/Водные_объекты/189/Чаны Чаны // Научно-популярная энциклопедия «Вода России»]</ref>