'''სავლაკი''' (Saulaces) — [[კოლხეთის სამეფო|კოლხეთის]] მეფე გვიანდელ [[ელინიზმი|ელინისტურ ხანაში]]. რომაელი ავტორი [[პლინიუს უფროსი]] ([[I საუკუნე|ახ. წ. I საუკუნე]]) სავლაკს იხსენიებს, როგორც [[აიეტი (კოლხეთი)|აიეტის]] ჩამომავალს, რომელმაც უამრავი [[ოქრო]] და [[ვერცხლი]] მოიპოვა [[სვანეთი|სვანების ქვეყანაში]] და საერთოდ [[ოქროს საწმისი|ოქროს საწმისით]] განთქმულ თავის სახელმწიფოში. პლინიუსის თხზულებაში დაცული გადმოცემის თანახმად, „სავლაკს (სასახლეში) ჰქონდა ოქროს კამარები, ვერცხლის კოჭები, სვეტები და პილასტრები“, რომლებიც მას ნადავლად წამოუღია ეგვიპტის ლეგენდარული მეფის სესოსტრისისაგან. ზოგიერთი მკვლევარი ([[დავით კაპანაძე|დ. კაპანაძე]], კ. გოლენკო და სხვა) კოლხეთის მეფე სავლაკს მიაწერს [[სავლაკის მონეტა|მონეტების]] ერთი ჯგუფის მოჭრას, რომელიც ძვ. წ. II საუკუნის II ნახევრით თარიღდება.