'''არჩვი''', ''ფსიტი'' ({{lang-la|Rupicapra rupicapra}}) — [[ჩლიქოსნები|ჩლიქოსანი]] ცხოველი [[ძროხისებრნი|ძროხისებრთა]] ოჯახისა. სხეულის სიმაღლე მინდაოში 65-70 [[სმ]], მენჯთან — 75-85 სმ. წონა 40 [[კგ]]-მემდე. 20 სმ-მდე სიგრძის, სწორად აღმართული, ბოლოში მოკაუჭებული რქები აქვთ ვაცებსაც და ნეზვებსაც. ვაცი უფრო დიდია და მურა. რქების უკან აქვთ ჯირკვლები, საიდანაც ხურაობის პერიოდში (ოქტომბრიდან დეკემბრამდე) გამოიყოფა სპეციფიკური სუნის [[სეკრეტი]]. გავრცელებულია [[სამხრეთი ევროპა|სამხრეთ ევროპაში]], [[მცირე აზია|მცირე აზიის]] აღმოსავლეთ ნაწილსა და კავკასიის მთებში, [[საქართველო]]ში — [[კავკასიონი|კავკასიონზე]], [[თრიალეთის ქედი|თრიალეთის]], [[გურია]]-[[აჭარა|აჭარისა]] და [[ლიხის ქედი|ლიხის ქედებზე]]. ცნობილი ქვესახეობებიდან [[საქართველო]]ში გვხვდება [[კავკასიური არჩვი]] (Rupicapra rupicapra caucasica), იკვებება ბალახით, ზოგჯერ ბუჩქნარის ყლორტებითა და ნეკერით. მაკეობა 6 თვემდე გრძელდება. ჩვეულებრივ მაისში ერთ (იშვიათად ორ) თიკანს შობს. სქესობრივ სიმწიფეს 2 წლისა აღწევს, ზრდას 3 წლისა ამთავრებს, ცოცხლობს 25 წლამდე.