ელენე ყიფშიძე: განსხვავება გადახედვებს შორის

'''ელენე ყიფშიძე''' (დ. [[5 თებერვალი]], [[1925]], [[თბილისი]], [[საქართველოს სსრ]], [[სსრკ]] — გ. [[1 აგვისტო]], [[2004]]) — [[ქართველები|ქართველი]] მსახიობი. საქართველოს სახალხო არტისტი ([[1973]]), [[ღირსების ორდენი (საქართველო)|ღირსების ორდენის]] კავალერი ([[1999]]).

[[1948]] წლიდან იყო [[მარჯანიშვილის თეატრი|კ.კოტე მარჯანიშვილის სახელობის სახელმწიფო თეატრის]] მსახიობი. ქმნიდა ჰეროიკულ დრამატულ და კომედიურ სახეებს, რომლებიც გამსჭვალული იყო დიდი შინაგანი სითბოთი, ადამიანურობით, გულწრფელობით, უშუალობით, მგზნებარე ტემპერამენტით, გამოირჩევა მუსიკალობითა და დიდი სცენური მომხიბვლელობით. მის მიერ შესრულებული როლებიდან აღსანიშნავია: ნუცკია (მ. მრევლიშვილის „ხარატაანთ კერა“), ლილი (ვ. გაბესკირიას „გაზაფხულის დილა“), ვიოლა (უ. შექსპირის „მეთორმეტე ღამე“), მაია (ვ. კანდელაკის „მაია წყნეთელი“), სონა, კეკელა („ძველი ვოდევილები“), ფოფია (კ. ბუაჩიძის „ეზოში ავი ძაღლია“), მაგდა (ო. ჩხეიძის „ვისია ვისი?!“), მარგო (ლ. როსებას „პრემიერა“) და სხვ. გადაღებულია ფილმებში: „[[ჩარი რამა]]“, „[[თოჯინები იცინიან]]“, „[[ბოდიში, თქვენ გელით სიკვდილი]]“, „[[ასი გრამი გამბედაობისათვის]]“ და სხვ. მონაწილეობდა რადიო და ტელეგადაცემებში. მიღებული აქვს სახელმწიფო ჯილდოები.

[[კატეგორია:საქართველოს სსრ დამსახურებული სახალხო არტისტები]]