ნოდარ გვახარია

ნოდარ გვახარია (დ. 3 თებერვალი, 1932, თბილისი, საქართველო — გ. 1996) — ქართველი სპორტსმენი (წყალბურთი). თამაშობდა თბილისის “დინამოში” (1948-1951, 1956-1961), მოსკოვის “დინამოსა” (1951-1956) და სსრკ ნაკრებში (1951-1960). იყო თბილისის “დინამოს” მოთამაშე-მწვრთნელი, მთავარი მწვრთნელი (1960-1967), სსრკ ნაკრები გუნდის მთავარი მწვრთნელი (1962-1964). ახალგაზრდობის საერთაშორისო მეგობრული სპორტული თამაშების ჩემპიონი (1953) და ორგზის მეორე პრიზიორი (1955, 1957), მსოფლიოს სტუდენტთა თამაშების მეორე პრიზიორი (1954), სსრკ ჩემპიონი (1953), ორგზის მეორე (1956, 1960) და ორგზის მესამე პრიზიორი (1958, 1959), სსრკ ხალხთა II სპარტაკიადის მესამე პრიზიორი (1959). მისი ხელმძღვანელობით თბილისის “დინამო” სსრკ ჩემპიონატებში სამჯერ გახდა მეორე (1960, 1962, 1963) და ორჯერ მესამე პრიზიორი (1964, 1966). სსრკ სპორტის დამსახურებული ოსტატი.

წელი	ტურნირი	მასპინძელი	ადგილი
1956	ზაფხულის XVI ოლიმპიური თამაშები	მელბურნი, ავსტრალია	03 
1958	ევროპის ჩემპიონატი	ბუდაპეშტი, უნგრეთი	03 

რესურსები ინტერნეტში

• ნოდარ გვახარია — ქართული სპორტის სტატისტიკა
• ნოდარ გვახარია — საქართველოს ბიოგრაფიული ლექსიკონი