ნესტორ ლაკობა: განსხვავება გადახედვებს შორის

1911 წელს საცხოვრებლად ჩავიდა [[ბათუმი|ბათუმში]], სადაც მუშაობდა სანიტარულ აგენტად. იქვე გახდა ბოლშევიკური პარტიის წევრი 1912 წელს. 1918 წელს ხელმძღვანელობდა [[აფხაზეთი]]ს რევოლუციურ კომიტეტს, რომელიც ცდილობდა აფხაზეთში საბჭოთა ხელისუფლების დამყარებას 1918 წელს თებერვალში და მეორედ აპრილ-მაისში. [[სოჭის კონფლიქტი]]ს დროს ტყვედ ჩაუვარდა [[საქართველოს დემოკრატიული რესპუბლიკა|საქართველოს დემოკრატიული რესპუბლიკის]] შეიარაღებულ ძალებს. ის დააპატიმრეს და გაასამართლეს. სასჯელს იხდიდა [[სოხუმი]]ს ციხეში. მან მოინანია ჩადენილი დანაშაულები და იქნა განთავისუფლებული. 1919 წელს დაინიშნა [[ოჩამჩირე|ოჩამჩირის]] უბნის მილიციის კომისრად. ლაკობა მილიციაში მუშაობის დროს კვლავ შეუდგა ბოლშევიკური აჯანყების მომზადებას, მისი დაპატიმრების სანქციის გაცემისთანავე კი გაიქცა აფხაზეთიდან. 1919-1920 წლებში ცხოვრობდა ბათუმში, რომელიც [[გაერთიანებული სამეფო]]ს კონტროლქვეშ იყო. ბათუმიდან გადავიდა მოსკოვში, საიდანაც გაგზავნეს [[ეკატერინოდარი|ეკატერინოდარში]], სადაც დაინიშნა [[ყუბან-შავიზღვისპირეთის საბჭოთა სოციალისტური რესპუბლიკა|ყუბან-შავიზღვისპირეთის სსრ-ს]] აღმასკომში.