'''ლევან იზორია''' (დ. [[5 თებერვალი]], [[1974]], [[თბილისი]], [[საქართველოს სსრ]]) — [[საქართველოს თავდაცვის სამინისტრო|საქართველოს თავდაცვის მინისტრი]] [[2016]] წლიდან.
== ბიოგრაფია ==
ლევან იზორია [[1991]] წლიდან [[1996]] წლამდე სწავლობდა [[თბილისის სახელმწიფო უნივერსიტეტი|ივ. ჯავახიშვილის სახელობის თბილისის სახელმწიფო უნივერსიტეტში]] იურიდული ფაკულტეტზე. თბილისში სწავლის დამთავრების შემდეგ სწავლა გააგრძელა [[გერმანია|გერმანიაში]], ქალაქ [[გეტინგენი|გეტინგენში]], გეორგ-აუგუსტის სახელობის უნივერსიტეტში იურიდიული ფაკულტეტის მაგისტრატურაზე, [[1998]]—–[[1999]] წლებში, შემდეგ კი იგივე უნივერსიტეტში — დოქტურანტურაზე ([[1999]]—–[[2002]]).
[[1999]] და [[2002]] წლებში [[გერმანია|გერმანიაში]] მიიღო სამართლის მაგისტრის და სამართლის დოქტორის ხარისხები.
ლევან იზორია [[1992]] წლიდან [[2005]] წლამდე მუშაობდა [[თბილისის სახელმწიფო უნივერსიტეტი|ივ. ჯავახიშვილის სახელობის თბილისის სახელმწიფო უნივერსიტეტში]] სხვადასხვა თანამდებობაზე. მათ შორის, იყო იურიდიული ფაკულტეტის სტუდენტთა სამეცნიერო საბჭოს თავმჯდომარე ([[1992]]—–[[1995]]), იურიდიული ფაკულტეტის სამართლის თეორიისა და კონსტიტუციური სამართლის კათედრის მასწავლებელი ([[1995]]—–[[1998]]) და იურიდიული ფაკულტეტის სამართლის თეორიისა და კონსტიტუციური სამართლის კათედრის დოცენტი ([[2002]]—–[[2005]]). პარალელურად, [[1999]] წელს [[გერმანია|გერმანიის]] [[გეტინგენი|ქ. გეტინგენში]] გახდა სახელმწიფოს მოძღვრებისა და პოლიტიკურ მეცნიერებათა ინსტიტუტის დირექტორის თანაშემწე, სადაც [[2002]] წლამდე იმუშავა. [[2002]] წლიდან — მეცნიერებათა აკადემიასთან არსებული თ. წერეთლის სახელობის სამართლის ინსტიტუტის უფროსი მეცნიერ-თანამშრომელი. [[2003]] წლიდან [[2004]] წლამდე იყო გერმანიის კონრად-ადენაუერის სახელობის პოლიტიკური ფონდის წარმომადგენელი [[სამხრეთი კავკასია|სამხრეთ კავკასიაში]]. [[2004]]—–[[2006]] [[საქართველოს შინაგან საქმეთა სამინისტრო|შსს]] აკადემიის რექტორი.
[[2006]]—–[[2007]] წლებში იყო საქართველოს საზოგადოებრივ მეცნიერებათა უნივერსიტეტის იურიდიული ფაკულტეტის დეკანი. [[2007]]—–[[2009]] წლებში იყო მეცნიერ-მკვლევარი, პროფესორი შპაიერის გერმანული საჯარო ადმინისტრაციის კვლევის ინსტიტუტში (ჰუმბოლტის ფონდის სტიპენდიატი). [[2009]]—–[[2010]] წლებში — კავკასიის სამართლის სკოლის ასოცირებული პროფესორი. პარალელურად, [[2009]] —– [[2011]] წლებში ქართულ-ამერიკული უნივერსიტეტის ასოცირებული პროფესორი. [[2010]] და [[2011]] წლის ივლის-აგვისტოში იყო მეცნიერული მივლინებით ჰაიდელბერგის საზღვარგარეთის ქვეყნების საჯარო სამართლისა და საერთაშორისო სამართლის მაქს-პლანკის ინსტიტუტში. ჩამოსვლის შემდეგ [[2014]] წლამდე — [[გრიგოლ რობაქიძის სახელობის უნივერსიტეტი|გრიგოლ რობაქიძის სახელობის უნივერსიტეტის]] სრული პროფესორი.
[[2014]] წლიდან არის საქართველოს [[საქართველოს შინაგან საქმეთა სამინისტრო|შსს-ს]] აკადემიის სრული პროფესორი. [[2012]]—–[[2015]] წლებში იყო [[საქართველოს შინაგან საქმეთა სამინისტრო|საქართველოს შსს-ს]] მინისტრის მოადგილე, ხოლო [[2015]] წლიდან [[საქართველოს სახელმწიფო უსაფრთხოების სამსახური|საქართველოს სახელმწიფო უსაფრთხოების სამსახურის]] უფროსის მოადგილე.
[[2016]] წელს დაინიშნა [[საქართველოს თავდაცვის სამინისტრო|საქართველოს თავდაცვის მინისტრად]].<ref>[http://gov.ge/index.php?lang_id=GEO&sec_id=27&info_id=624 საქართველოს მთავრობა]</ref>