ზაგროსი: განსხვავება გადახედვებს შორის

'''ზაგროსი''' ({{lang-fa|رشته‌كوه‌های زاگرس‎}}) — მთათა სისტემა [[ირანი]]ს ტერიტორიაზე. მდებარეობს [[ირანის მთიანეთი]]ს სამხრეთ-დასავლეთით. ნაწილი [[ერაყი]]ს ტერიტორიაზეც ვრცელდება. სიგრძე დაახლოებით 1500 კმ, სიგანე 200-300 კმ. უმაღლესი მწვერვალი 4550 მ (მთა [[ზარდქუჰი]]) ქალაქ [[ისპაანი]]ს სიახლოვეს მდებარეობს. მწვერვალებზე მცირე [[მყინვარი|მყინვარებია]]. ზაგროსი ჩრდილოეთჩრდილო-დასავლეთიდან სამხრეთ-აღმოსავლეთისაკენ გადაჭიმული ურთიერთპარარელური ქედების სისტემაა. ქედები ერთიმეორისაგან გამოყოფილია ვიწრო, კანიონისებრი [[ხეობა|ხეობებითა]] და [[ქვაბული|ქვაბულებით]]. ჩამოყალიბებულია რამდენიმე ეკოსისტემა, რომელთაგან გამორჩეული ადგილი უკავია ტყისა და ტყე-სტეპის ზონებს. აგებულია მეზოზოური და კაინოზოური [[კირქვა|კირქვებითა]] და [[ფიქალი|ფიქლებით]]. ასაკი [[ალპები|ალპის მთების]] ასაკს უახლოვდება. განვითარებულია [[კარსტი]]. მარილიანი ბორცვები და მყინვარები ზაგროსისთვის აგრეთვე ნიშანდობლივი ფორმებია.