იქედან გადაინაცვლეს [[თისელი|თისელში]], სადაც მოინახულეს [[თისელის ღვთისმშობლის ეკლესია (გუმბათიანი)|თისელის გუმბათიანი ტაძარი]], რომლის მახლობლად აღმოაჩინეს [[თისელის ღვთისმშობლის ეკლესია (დარბაზული)|დარბაზული ეკლესია]], ასევე დააფიქსირეს ციხის ნანგრევები როგორც დარბაზული ისე გუმბათიანი ტაძრის მახლობლად, ხოლო კლდეებში გამოქვაბულები.
თისელიდან აწყურში დაბრუნებულები გაემართნენ ახალციხისაკენ. გზად მოინახულეს სოფელ ახაშენის (ამჟამად ნასოფლარის) მცირე[[ახაშენის წმინდა გიორგის ეკლესია|ეკლესია]]. ახაშენის შემდეგ ექსპედიციამ გადაუხვია [[ოშორა (მდინარე)|ოშორის წყლისკენ]] და ქვემო ოშორაში ([[ოშორა (ასპინძის მუნიციპალიტეტი)|ოშორა]]) აღწერეს ეკლესიის ნანგრევები. ზემო ოშორაში ორი ეკლესიის ნანგრევი მოინახულეს. ზემო ოშორიდან გადალახეს წყალგამყოფი ქედი და დაეშვნენ სოფელ [[ოთა (ასპინძის მუნიციპალიტეტი)|ოთაში]], სადაც ციხის ნანგრევები აღწერეს. შემედგ მოინახულეს ბეთლემის, ღართას და [[შორეთის სამონასტრო კომპლექსი|შორეთის]] ეკლესიები. დასასრულს სოფელ ოთის ქვემოთ მოინახულეს კიზილ-დერესის ეკლესია და წავიდნენ [[ასპინძა]]ში. ასპინძაში აღწერეს [[ასპნინძის ციხე|ციხისა]] და უგუმბათო ეკლესიის ნანგრევები. ახალქლალაქისკენ მიმავალ გზაზე აღწერეს ჩუხერეშის ეკლესია, მოინახულეს ადგილი ხიზა და მოკლე ხნით გაჩერდნენ სოფელ ხიზაბავრაში სადაც ასევე იდგა ძველი და ახლადნაშენი კათოლიკური ეკლესია. ხიზაბავრიდან გაემართნენ სოფელ საროში, რომელშიც მოინახულეს ძველი ეკლესია და სამი ციხე.
