რეზა-შაჰ ფეჰლევი: განსხვავება გადახედვებს შორის

'''რეზა ფეჰლევი''' ან '''რეზა შაჰი დიდი''' ([[სპარს.]] رضا پهلوی — Rezâ Pahlavi; დ. [[15 მარტი]], [[1878]] [[ალასთი]], [[მაზანდარანის ოსტანი]], [[სპარსეთი]] — გ. [[26 ივლისი]] [[1944]], [[იოჰანესბურგი]] [[სამხრეთ აფრიკის კავშირი]]) — ქართული წარმომავლობის ირანელი, რომელიც გახდა [[ირანი]]ს პირველი [[შაჰანშაჰი]] [[ფეჰლევიანები|ფეჰლევის დინასტიიდან]]. ტახტზე ავიდა [[ყაჯარები|ყაჯარის დინასტიის]] დამხობის შედეგად [[1925]] წელს. მნიშვნელოვანი წვლილი მიუძღვის ქვეყნის მოდერნიზაციაში. [[1935]] წელს მოითხოვა, რომ უცხო ქვეყნებს ოფიციალურად გამოეყენებინათ სახელმწიფოს თვითდასახელება - "ირანი", მანამდე გამოყენებული [[სპარსეთი]]ს ნაცვლად. [[1941]] წელს [[მეორე მსოფლიო ომი]]ს მსვლელობისას სცადა უარი ეთქვა [[დიდი ბრიტანეთი]]სა და [[სსრკ]]-სთვის მათი ჯარების ქვეყნის ტერიტორიაზე განლაგებაზე, რის გამოც მოკავშირეთა მიერ იძულებული გახდა ტახტზე უარი ეთქვა. გარდაიცვალა [[იოჰანესბურგი|იოჰანესბურგში]]. მისმა მემკვიდრემ [[მუჰამედ რეზა ფეჰლევი]]მ მამის ნეშტი ირანში გადაიტანა და სპეციალურად აგებულ დიდებულ მავზოლეუმში დაასვენა, თუმცა [[ირანის რევოლუცია|ისლამური რევოლუციის]] შემდეგ [[აიათოლა]]ს განკარგულებით მავზოლეუმი დაანგრიეს.