დღეს შემორჩენილი ეგვიპტის ასამდე პირამიდიდან ყველაზე დიდი და აღსანიშნავია [[გიზის პირამიდები]]. მათ შორის ყველაზე დიდია ფარაონ [[ხეოფსი]]ს პირამიდა. იგი ააშენეს ქრ. შ-მდე მე-16XXVI საუკუნეში. მისი აღმშენებელი იყო [[ხემიუნი]], პირამიდის სიმაღლე იყო 147 (ამჟამად 136) მეტრი, თითოეული გვერდის სიგრძე 230 მეტრია. მას გარშემო რომ შემოუაროთ, კილომეტრზე მეტი უნდა გაიაროთ. პირამიდის ასაშენებლად დაიხარჯა 2300000 ლოდი, რომელნიც დღესაც ისეთი სიზუსტით ერწყმიან ერთმანეთს, რომ მათ შორის ნემსსაც ვერ გაატარებთ. ხეოფსის პირამიდა მთლიანად თეთრი ფილებით ყოფილა მოპირკეთებული, მაგრამ დღესდღეობით ეს "პერანგი" აღარ არსებობს. გიზის სამი დიდი პირამიდიდან სიდიდით მეორეა ფარაონ ხეფრენის პირამიდა, რომლის სიმაღლე 136.4 მეტრია<ref name=sky>{{cite web|url=http://skyscraperpage.com/cities/?buildingID=1007 |title=Pyramid of Chefren, Giza - SkyscraperPage.com |author= |publisher=Skyscraper Source Media Inc. |date= |accessdate=1 May 2014}}</ref>, ფუძის სიგრძე კი 215 მეტრი. მისი [[არქიტექტორი]] იყო [[მერიბი]]. მესამეა ფარაონ მიკერინასის პირამიდა, რომლის სიმაღლეც 66 მეტრია, გვერდის სიგრძე კი 108 მეტრი. მისი [[ხუროთმოძღვარი]] იყო [[დებხეინი]]. მერიბსა და დებხეინს [[ეგვიპტოლოგია|ეგვიპტოლოგები]] ხემიუნის მემკვიდრეებად თვლიან. პირველი [[მეცნიერი]] და [[სწავლული]], რომელმაც პირამიდები მოინახულა, ისტორიის მამა, [[ჰეროდოტე]] იყო. იგი თავის ჩანაწერებში აღფრთოვენებით საუბრობს პირამიდებზე...
