ვახტანგ ხმალაძე: განსხვავება გადახედვებს შორის

1989 წელს დაიწყო პოლიტიკურ და სამართლებრივ საკითხებზე პუბლიკაციების გამოცემა. 1989-1992 წლებში იყო პოლიტიკური ორგანიზაცია „დასის“ (დემოკრატიული არჩევანი საქართველოსთვის), ერთ-ერთი დამფუძნებელი და თავმჯდომარის მოადგილე. 1991-1992 წლებში იყო [[საქართველოს ცენტრალური საარჩევნო კომისია|საქართველოს ცენტრალური საარჩევნო კომისიის]] თავმჯდომარის მოადგილე და თავმჯდომარის მოვალეობის შემსრულებელი. 1992 წელს იყო [[საქართველოს რესპუბლიკის სახელმწიფო საბჭო]]ს წევრი. „დასი“ 1992 წელს შეუერთდა [[საქართველოს რესპუბლიკური პარტია|რესპუბლიკურ პარტიას]]. შესაბამისად, ხმალაძე 1992-1996 წლებში რესპუბლიკური პარტიის ეროვნული კომიტეტის წევრი იყო. ამავდროულად იყო [[საქართველოს საკანონმდებლო ორგანოს არჩევნები (1992)|1992 წლის მოწვევის]] პარლამენტის წევრი და ფრაქცია „რესპუბლიკელების“ თავმჯდომარე. 1993-1995 წლებში იყო სახელმწიფო საკონსტიტუციო კომისიის თავმჯდომარის მოადგილე. აქტიურად მონაწილეობდა [[საქართველოს კონსტიტუცია|საქართველოს კონსტიტუციის]] შემუშავებაში. 1996 წელს ჩამოაყალიბა კავშირი „საქართველოს კონსტიტუციის დაცვის ლიგა“. 1997 წელს გაიარა [[ცენტრალური ევროპის უნივერსიტეტი]]<nowiki/>ს საზაფხულო უნივერსიტეტის კურსი (ბუდაპეშტი, უნგრეთი). 1998-1999 წლებში იყო ფონდ „ღია საზოგადოება – საქართველოს“ აღმასრულებელი საბჭოს წევრი. [[საქართველოს საპარლამენტო არჩევნები (1999)|1999 წლის არჩევნებში]] ის საქართველოს პარლამენტის წევრად აირჩიეს [[მრეწველობა გადაარჩენს საქართველოს|„მრეწველების“]] სიით, ხოლო 2012 წლის არჩევნებში - თბილისის დიდუბის საარჩევნო ოლქში „ქართული ოცნების“ წარდგინებით. 2002-2004 წლებში იყო ევროკავშირისა და საქართველოს საპარლამენტო თანამშრომლობის კომიტეტის თანათავმჯდომარე. 2012-2016 წლებში იყო პარლამენტის იურიდიულ საკითხთა კომიტეტის თავმჯდომარე და სახელმწიფო საკონსტიტუციო კომისიის სამუშაო ჯგუფის ხელმძღვანელი. 2016-2017 წლებში იყო სახელმწიფო საკონსტიტუციო კომისიის წევრი. 2005-2016 წლებში იყო საქართველოს რესპუბლიკური პარტიის პოლიტიკური საბჭოსა და ეროვნული კომიტეტის წევრი.