ნაყოფი (მცენარე): განსხვავება გადახედვებს შორის

'''ნაყოფი''' ([[ლათ.]] fructus) — [[ფარულთესლოვანი მცენარეები|ფარულთესლოვან მცენარეთა]] ორგანო, რომელიც წარმოიქმნება [[ყვავილი|ყვავილისაგან]] და შეიცავს ერთ ან მეტ თესლს, ვითარდება ორმაგი განაყოფიერების შემდეგ (გამონაკლისია პართენოკარპული ნაყოფები). ფარულთესლოვან მცენარეთა პრიმიტიულ ჯგუფებში ნაყოფი უშუალოდ გინეცეუმიდან ვითარდება (მაგ., [[ბაიასებრნი]]), უფრო მაღალი განვითარების ჯგუფებში ნაყოფის ფორმირებაში მონაწილეობს ყვავილის სხვა ნაწილებიც: [[ყვავილსაფარი]], [[ყვავილსაჯდომი]], [[გინოფორი]], ჯამი, [[გვირგვინი (ბოტანიკა)|გვირგვინი]], მტვრიანები და სხვა.

''მარტივი ნაყოფი'' კონსისტენციის მიხედვით იყოფა მშრალ და წვნიან ნაყოფად. ''მშრალ ნაყოფებს'' შორის არჩევენ მრავალთესლიან თვითხსნად ([[ფოთლურა]], პარკი, [[ჭოტი]], ჭოტაკი, კოლოფი და სხვა) და ერთთესლიან უხსნარ ნაყოფებს ([[კაკალი]], [[ფრთიანა]], [[თესლურა]], [[მარცვალა]] და სხვა), ''წვნიან ნაყოფებს'' შორის კი - მრავალთესლიანებს ([[კენკრა]], [[გოგრულა]] და სხვა) და ერთთესლიანებს ([[კურკიანა]]). რთილ ნაყოფებს განეკუთვნება რთული ფოთლურა, რთული თესლური და სხვა.