თაყა ფანასკერტელი: განსხვავება გადახედვებს შორის

'''თაყა ფანასკერტელი''' –— XIII-XIV საუკუნეების სამხრეთ [[საქართველო]]ს წარჩინებული ფეოდალი, [[შავშეთი]]სა და [[ტაო]]ს მემამულე. ტაოს ერისთავი. თაყას წინ ფანასკერტელად ჩანს [[გრიგოლ ფანასკერტელი|გრიგოლი]], რომელიც შესაძლებელია თაყას მამა იყო. ფანასკერტელს ცოლად ჰყოლია [[დემეტრე II თავდადებული]]ს ქალიშვილი [[რუსუდანი (დემეტრე II-ის ასული)|რუსუდანი]]. ფანასკერტელს [[1306]] წელს [[თორთომის ციხე]]სთან ბრძოლა გაუმართავს სამხრეთ საქართველოში [[აზატ მოსეს ლაშქრობა საქართველოში|აზატ მოსეს]] ხელმძღვანელობით შემოჭრილ რუმის თურქთა მრავალრიცხოვანი ლაშქრისათვის. მან დიდი ზიანი მიაყენა მტერს, მაგრამ მრავალრიცხოვნობის გამო ვერ სძლია და ვერ განდევნა. თორთომის ციხესთან ფანასკერტელის ბრძოლა, მკვლევართა აზრით (დ. ბერძენიშვილი), მოწმობს, რომ ეს ციხე მას ეკუთვნოდა. ფანასკერტელი სამცხის მთავრის [[ბექა I |ბექა I ჯაყელის]] თანამედროვეა და შესაძლებელია მისი ყმა-ვასალიც იყო - მასთან ერთად ებრძოდა თურქებს. თაყას მომდევნო [[ფანასკერტელი, ამირღამბარი|ფანასკერტელი ამირღამბარი]], რომელიც, როგორც ჩანს, თაყას შვილი იყო.