'''ჯვაროსნები''' ([[ლათ.]] {{lang-la|Cruciferae}}) — [[ორლებნიანნი|ორლებნიან]] მცენარეთა ოჯახი. ბალახები, იშვიათად ნახევრად ბუჩქები და ბუჩქებია. მორიგეობით განლაგებული [[ფოთლები]] აქვთ; ქვედა ფოთლები ხშირად ქმნის ფესვთანურ როზეტს. ნაყოფი ჭოტი ან ჭოტაკია, ყვავილედი მტევნისებრი ან ფარისებრია. ჯვაროსნები ორად გაყოფილი ან ვარსკვლავისებრი, ზოგჯერ მარტივი ბეწვებით შებუსული ან სრულიად შიშველი [[მცენარე]]ებია (შებუსვას მეტად დიდი მნიშვნელობა აქვს ოჯახის სისტემატიკისათვის). ოჯახი 380-მდე გვარის 3200-მდე სახეობას აერთიანებს. ჯვაროსნები მეტწილად [[ჩრდილოეთი ნახევარსფერო|ჩრდილოეთ ნახევარსფეროში]] არიან გავრცელებული. სახეობათა მნიშვნელოვანი ჯგუფები გვხვდება ასევე თანამედროვე და უძველესი ხმელთაშუაზღვისპირეთის რეგიონშიც. [[საქართველო]]ში ჯვაროსნების 64 გვარის 180-მდე სახეობა იზრდება, მათ შორის ბევრი ლაკონური ენდემია. ოჯახში მრავალი ბოსტნეული ([[კომბოსტო]], [[ბოლოკი]], [[თალგამი]] და სხვ.), ზეთოვანი ([[რაფსი]], [[შალგი]] და სხვ.), სანელებელი ([[მდოგვი]], [[პირშუშხა]]), თაფლოვანი, საღებავი და სხვ. მცენარეა. ბევრია სარეველაც.
