'''ჭივჭავი''' ([[ლათ.]] {{lang-la|Spinus spinus}}) — [[ფრინველები|ფრინველი]] [[ბეღურასნაირნი|ბეღურასნაირთა]] რიგისა. მისი სხეულის სიგრძე 12 სმ, მასა 14 გრამს აღწევს. მომწვანო-მოყვითალო შეფერილობაზე მუქი ზოლები დასდევს, მამალს კი შავი „ქუდი“ ახურავს. გავრცელებულია ევროპის და აზიის წიწვიან ტყეებში. [[საქართველო]]ში ბინადრობს, ზამთარში ნომადობს საჭმლის საძებნელად. ბუდობს [[ხე]]ებზე. წელიწადში 2-ჯერ, [[აპრილი|აპრილში]] და [[ივნისი|ივნისში]] დებს 4-5 კვერცხს, რომელთა [[ინკუბაცია]] 12 დღე-ღამე გრძელდება. იკვებება მცენარეთა თესლით, მართვებს კვებავს მწერებითა და მათი მატლებით.