დასავლეთ ციმბირის ვაკე: განსხვავება გადახედვებს შორის

'''დასავლეთ ციმბირის ვაკე''', '''დასავლეთ ციმბირის დაბლობი''' ({{lang-ru|Западно-Сибирская равнина}}) — მსოფლიოს ერთ-ერთი უდიდესი აკუმულაციური ვაკე-დაბლობი [[რუსეთი|რუსეთსა]] და [[ყაზახეთი|ყაზახეთში]]. ჩრდილოეთიდან სამხრეთისაკენ გადაჭიმულია დაახლოებით 2500 [[კილომეტრი|კილომეტრზე]], დასავლეთიდან აღმოსავლეთისაკენ 1000-იდან 1900 [[კილომეტრი|კილომეტრამდე]]. ფართობი დაახლოებით 2,6 მლნ. კმ². ზედაპირი სუსტად დანაწევრებული ვაკეა. დაბლობის ჩრდილოეთი და ცენტრალური რაიონების სიმაღლეები 50-150 მ-ის ფარგლებში მერყეობს, ვაკის განაპირა დასავლეთი, აღმოსავლეთი და სამხრეთი რაიონები ამაღლებულია 200-300 მ-მდე. ცენტრალურ ნაწილში, [[ურალი]]დან მდინარე [[ენისეი]]ს ხეობამდე გადაჭიმულია მცირე მაღლობები — ციმბირის უვალები. დიდ მდინარეებს ვაკეზე გამომუშავებული აქვთ ღრმა (50-80 მ) ხეობები, რომელთა მარჯვენა ნაპირები ციცაბოა, მარცხენა — გაშლილი, ტერასებიანი. ვაკის ჩრდილოეთ ნაწილში არის მორენული სერები და მწკრივები.