სქესი: განსხვავება გადახედვებს შორის

'''სქესი''' — [[ორგანიზმი]]ს [[მორფოლოგია (ბიოლოგია)|მორფოლოგიურ]] და [[ფიზიოლოგია|ფიზიოლოგიურ]] ნიშან-თვისებათა ერთობლიობა, რომელიც უზრუნველყოფს მის მონაწილეობას ახალ თაობათა წარმოქმნაში და შთამომავლობისათვის მემკვიდრული ინფორმაციის გადაცემაში. მამრობითი და დმედორბითი გამეტების შერწყმით მიიღება ზიგოტა, რომელშიც ერთიანედება რეკომბინირებულიო მემკვიდრული მასალის შემცველი ორივე მშობლის ჰაპლოიდურ ქრომოსომათა ნაკრები. ამიტომ ორსქესიან პოპულაციებში გამუდმებით წარმოიქმნება გენეტიკურად განსხვავებული ფორმები, რომლებიც მდიდარ მასალას წარმოადგენენ [[ბუნებრივი გადარჩევა|ბუნებრივი გადარჩევისათვის]]. მრავალუჯრედიან ორგანიზმებში სქესობრივმა პროცესმა სქესის რთული დიფერენცირება განიცადა. სპეციალურ (გენერაციულ) ორგანოებში ხდება დიდი ზომის უძრავი ან ნაკლებად მოძრავი მდედრობითი სქესის და პატარა, უმეტესად მოძრავი მამრობითი სქესის [[გამეტები]]ს ჩამოყალიბება.<ref name="qse">{{ქსე|9|621-622|შათირიშვილი ა.|არა}}</ref>

მცენარეთა დიდ ნაწილში და ზოგიერთ ცხოველში ორივე ტიპის გამეტები ყალიბდება ერთსა და იმავე ინდივიდში, ცხოველების უმრავლესობაში კი — სხვადასხვაში, რომლებიც შესაბამისად მამრობით და მდედრობით ფორმებად იყოფიან. ცალსქესიანი ინდივიდები განსხვავდებიან პირველადი და მეორეული სასქესო ნიშნებით, ქცევით. ორსქესიან მცნეარეებსა და ჰერმაფროდიტ ცხოველებში სიანგანი ფაქტორების მოქმედებით გენეტიკრად ერთგვაროვანი უჯრედებიდან ყალიბდება მდედრობითი და მამრობითი სასქესო ორგანოები. განასხვავებენ სქესის პროგამურ, ეპიგამურ, და სინგამურ განსაზღვრას.<ref name="qse" />