ბერყენა: განსხვავება გადახედვებს შორის

'''ბერყენა''', [[Pyrus]]-ის [[გვარი (ბიოლოგია)|გვარი]]ს ველური [[მსხალი|მსხლების]] რამდენიმე სახეობა. ეკლიანი ბუჩქები ან ხეებია. აქვთ შეკრული ან მეჩხერი ვარჯი, შიშველი ან ვერცხლისფრად შებუსული ფოთლები. [[ნაყოფი (მცენარე)|ნაყოფი]] მსხლისებრია, ზოგჯერ სფეროსებრი, ყავისფერი ან ყვითელი. გავრცელებულია [[ევროპა]]ში, [[დასავლეთი აზია|დასავლეთ]] და [[შუა აზია]]ში, [[ირანი|ირანში]], [[ყირიმი|ყირიმსა]] და [[კავკასია]]ში. [[საქართველო]]ში გვხვდება ბერყენას 9 სახეობა, რომელთაგან 4 საქართველოს [[ენდემები|ენდემია]] ([[Pyrus demetrii]], Pyrus ketzkhovelii, Pyrus fedorovii, Pyrus sachokiana). ბერყენა იზრდება მხოლოდ აღმოსავლეთ და სამხრეთ საქართველოს ველებზე, ნახევრად უდაბნოებში, ნათელ ტყეებსა და ტყის პირებზე ხრიოკ და ქვაღორღიან ადგილებში, [[ზღვის დონე|ზღვის დონიდან]] 900 მ-მდე. ნაყოფი ვიტამინებით მდიდარია, იჭმება. მერქანი იხმარება სადურგლო და სახარატო საქმეში. ყინვაგამლეა, ადვილად იტანს ხანრგლივ გვალვასა და ძლიერ ქარებს. კარგი საძირეა მსხლის კულტურული ჯიშების გამოსაყვანად; იყენებენ ტყე-პარკების გასაშენებლად გვალვიან და ურწყავ ადგილებში. მრავლდება თესლით და ფესვის ამონაყარით.

==ლიტერატურა==

*{{ქსე|2|335|ქუთათელაძე შ.}}