'''ვლადიმირული ცხენი''', — საჯაგავი ჯიშის [[ცხენი]]. გამოყვანილია [[ვლადიმირის ოლქი]]ს იურევ-პოლსკისა და სუზდალის, აგრეთვე [[ივანოვოს ოლქი]]ს გავრილოვ-პოსადის რაიონების კოლმეურნეობებში ადგილობრივი მსხვილი შესაბმელი და საჯაგავი ცხენების (უმთავრესად კლეიდესდალების, შაირების, სუფოლკების) შეჯვარების გზით. ჯიში დამტკიცდა [[1946]] წელს. ვლადიმირული ცხენი დიდია, მასიური, აქვს წაგრძელებული ტანი, ღრმა და ფართო მკერდი, სწორი კიდურები, კარგად განვითარებული სახსრები. ფერად ქურანაა ან წაბლა. ცოცხალი მასა ულაყისა 700 [[კგ]]. ფაშატისა 550 კგ. ღონიერია, ზოგიერთმა ულაყმა გამოცდის დროს 16 ტ-მდე ტვირთი ზიდა. ვლადიმირული ცხენს ყოფილ [[სსრკ]]-ის ბევრ რაიონში იყენებენ ცხენების ადგილობრივი ჯიშების გასაუმჯობესებლად.
