'''ლეონი''' — [[ნიკარაგუა|ნიკარაგუის]] ერთ-ერთი ქალაქი; სიდიდით მეორე დედაქალაქ [[მანაგუა]]ს შემდეგ. ესპანელების დაარსებული ქალაქი სახელწოდებით '''სანტიაგო-დე-ლოს-კაბალეროს-დე-ლეონ'''. იგი ნიკარაგუის უძველესი ქალაქია და მეტოქეობას უწევს ქალაქ [[გრენადა]]ს ისტორიული სახლებისა და ეკლესიების სიჭარბით. [[2005]] წლის მონაცემებით ქალაქის მოსახლეობა 175, 000 კაცს აღწევს, რომელთა შორის არ იგულისხმება სტუდენტთა ის რაოდენობა, რომელიც ქალაქში ჩამოდის სწავლის დაწყების დროს. ლეონი, საუნივერსიტეტო ქალაქი, არის [[ლეონის დეპარტამენტი]]ს ადმინისტრაციული ცენტრი.
ლეონი მდებარეობს მდინარე [[რიო-ჩიკიტო]]ს ნაპირებზე მანაგუადან 50 მილის დაშორებით ჩრდილოდასავლეთით. მისგან 11 მილის მოშორებით [[წყნარი ოკეანე|წყნარი ოკეანის]] სანაპიროა. დედაქალაქთან სიახლოვის გამო, ლეონი ქვეყნის მნიშვნელოვანი კულტურული ([[1813]] წელს დაარსებული უნივერსიტეტის წყალობით), ინდუსტრიული, აგროკულტურული (შაქრის ლერწამი, მიწის თხილი, მეცხოველეობა) და კომერციული ცენტრია.