ნიადაგი: განსხვავება გადახედვებს შორის

'''ნიადაგი''' — [[დედამიწის ქერქი]]ს ზედა, ფხვიერი ნაწილი, რომელიც შექმნილია ქანების [[ბიოსფერო]]ს, ჰავის, [[რელიეფი]]ს და ხნოვანების ერთობლივი მოქმედების შედეგად. წარმოდგენა ნიადაგზე, როგორც დამოუკიდებელ ბუნებრივ სხეულზე, რომელიც განსხვავდება ნიადაგთწარმომქმნელი [[დედაქანი]]საგან, შეიქმნა XIX ს. 80-იან წლებში [[ნიადაგთმცოდნეობა|ნიადაგთმცოდნეობის]] ფუძემდებლის [[ვასილი დოკუჩაევი]]ს მიერ. მანამდე ნიადაგი განიხილებოდა როგორც [[გეოლოგია|გეოლოგიური]] წარმონაქმნი. ნიადაგის არსებით თვისებად მისი ნაყოფიერება წარმოადგენს, რაც გულისხმობს მცენარის უზრუნველყოფას წყლით, სითბოთი და საკვები ნივთიერებებით. ნიადაგი სასოფლო-სამეურნეო წარმოების ძირითადი საშუალებაა.

 

== ნიადაგის შედგენილობა-თვისებები ==

[[ფაილი:Lössacker.jpg|მინი|მარცხნივ|250პქ|ლიოსის ველი [[გერმანია]]ში]]

ნიადაგი შედგება მკვრივი, თხიერი, აიროვანი და ცოცხალი ნაწილებისაგან. სხვადასხვა ნიადაგში და ერთსა და იმავე ნიადაგის სხვადასხვა ჰორიზონტში ამ ნაწილების რაოდენობა და თანაფარდობა განსხვავებულია.