არგონავტები: განსხვავება გადახედვებს შორის

[[აიეტი (მითოლოგია)|აიეტმა]] შეიტყო თუ არა ყოველივე, მაშინვე „[[არგო]]ს“ დაადევნა უამრავი ხომალდი და თავდათავად [[აფსირტე]], [[მედეა]]ს დაძმა. მინიელები ისტროსის სანაპიროს აუყვნენ და [[ადრიატიკის ზღვა]]ში შესცურეს, მაგრამ არტემის ბრიგეისის კუნძულებთან მათ კოლხები წამოეწივნენ. არგონავტები შეტაკებას მოერიდნენ და კუნძულზე გადავიდნენ. მათ გადაწყვეტილი ჰქონდათ [[ოქროს საწმისი]]ს თავისთან დატოვება, ხოლო მედეა კი იქვე [[არტემიდა]]ს ტაძარში უნდა გადაეყვანათ და რომელიმე იქვემდებარე ქვეყნის მეფეს უნდა გადაეწყვიტა მისი ბედი. მედეამ ეს გაიგო და ისევ ვერაგობას მიმართა. მან საკუთარი ძმა დაარწმუნა, თითქოს არგონავტებმა ძალით გაიტაცეს და მასთან მარტოდმარტო სურდა საუბარი. აფსირტე მოტყუვდა და დასთან მარტო მივიდა, მაგრამ იქ იგი [[იასონი|იასონმა]] მოკლა. უმეთაუროდ დარჩენილ კოლხებს არგონავტები მარტივად გაუსწორდნენ და გზა განაგრძეს, ხოლო გადარჩენილმა კოლხებმა კი აიეტის შიშით უკან დაბრუნება ვერ გაბედეს და იქვე დასახლდნენ.