სოლფატარა
სოლფატარა (იტალ. Cratere Solfatara) — ჰოლოცენური ასაკის ვულკანური კრატერი იტალიაში, ქალაქ პოცუოლის მიდამოებში. გაწოლილია ქალაქ ნეაპოლის დასავლეთით. ჩამქრალი ვულკანია, თუმცა ჯერ კიდევ შეინიშნება ორთქლისა და გოგირდის გამოყოფა. კრატერის დიამეტრი უდრის 770 მ-ს. მისი ფსკერი ბრტყელია და მოფენილია თიხისებრი ქერქით. ადგილ-ადგილ გამომუშავებულია პატარა ორმოები, რომლებშიც დუღს გოგირდი და ტალახი, ასევე განუწყვეტლივ ამოდის ორთქლი, სადაც ქარს მასთან ერთად გადააქვს ნახშირორჟანგიც. კრატერის ერთ-ერთი კედელში გამომუშავებულია ე.წ. „ძაღლის გამოქვაბული“ სადაც დიდი რაოდენობით გამოიყოფა აირი, რის გამოც იღუპებიან იქ მობინადრე ცხოველები. ზედაპირი გავარვარებულია. კრატერი ტურიზმის ღირსშესანიშნავი ობიექტია. განვითარებულია ფუმაროლები და ტალახიანი აბაზანები. ორთქლს სამედიცინო მიზნებისთვის იყენებდენ რომის იმპერიაში. სოლფატარა წარმოიქმნა დაახლოებით 4000 წლის წინ. უკანასკნელი ამოფრქვევა დაფიქსირდა 1198 წელს.
| სოლფატარა | |
|---|---|
| |
| კოორდინატები: 40°50′ ჩ. გ. 14°09′ ა. გ. / 40.833° ჩ. გ. 14.150° ა. გ. | |
| ქვეყანა |  იტალია
|
| სიმაღლე | 458[1] მ |
| ბოლო ამოფრქვევა | 1198 |
  | |
რესურსები ინტერნეტში
რედაქტირება- ვულკანი სოლფატარა დაარქივებული 2012-01-11 საიტზე Wayback Machine. (ინგლისური)
- ვულკანი სოლფატარა დაარქივებული 2011-11-20 საიტზე Wayback Machine. (იტალიური) (ინგლისური) (ფრანგული)
ლიტერატურა
რედაქტირება- Rollo Steffens: "Italiens Vulkane - Die schönsten Wanderungen vom Vesuv zum Ätna", Bruckmann Verlag München, 2004. ISBN 3-7654-3990-8.