სოზარ იაკობაშვილი
სოზარ იაკობაშვილი (დ. 22 აგვისტო, 1933, კიევი — გ. 25 ნოემბერი, 2008) — ქართველი მეცნიერი, მეტალურგი, ტექიკის მეცნიერებათა დოქტორი (1975), პროფესორი (1978) და გამომგონებელი (1983).
| სოზარ იაკობაშვილი | |
|---|---|
| დაბადების თარიღი | 22 აგვისტო, 1933 |
| მოქალაქეობა |
 სსრკ → საქართველო |
| ალმა-მატერი | საქართველოს ტექნიკური უნივერსიტეტი |
ბიოგრაფია
რედაქტირება1956 წელს დაამთავრა საქართველოს ტექნიკური უნივერსიტეტის მეტალურგიის ფაკულტეტი.
1958-1965 წლებში მუშაობდა რუსთავის მეტალურგიულ ქარხანაში მეფოლადედ. 1965-1969 წლებში უკრაინის ე. პატონის სახელობის ელექტროშედუღების უნივერსიტეტში იყო შედუღების ლაბორატორიის გამგე. 1969-1973 წლებში საქართველოს მეტალურგიის ინსტიტუტტში ხელმძღვანელობდა ამავე დასახელების ლაბორატორიას. იყო საერთაშორისო ასოციაცია „შედუღების“ ერთ-ერთი დამაარსებელი. საქართველოს ტექნიკური უნივერსიტეტში ჩამოაყალიბა შედუღების მეტალურგიის კათედრა და მასთან სამეცნიერო კვლევითი ლაბორატორია. 1989-1993 წლებში იყო შედუღების მეტალურგიისა და ტექნოლოგიის კათედრის გამგე; დააარსა საქართველო-უკრაინის საერთაშორისო სამეცნიერო ტექიკის ცენტრი შედუღებასა და მონათესავე ტექნოლოგიებში გადამზადებისათვის; მისი ნაშრომები ეძღვნება საშემდუღებლო ტექნოლოგიების ყველა მიმართულებას. მისმა გამოგონებამ (ფოლადის დამუშავების ახალი ტექნოლოგია და ღუმლის კონსტრუქცია) ლაიფციგის საერთაშორისო ბაზრობაზე (1975) დიდი ოქროს მედალი დაიმსახურა; მისი ხელმძღვანელობით შეიქმნა ახალი თაობის „ცს“ სერიის ციკლოკონვერტორული საშემდუღებლო კვების წყაროები; კვების წყაროს ცს–200-ის დამუშავებისა და დანერგვისათვის (ლიცენზია გაიყიდა გერმანიაში), იყო საერთაშორისო სამეცნიერო ტექნიკის ჟურნალ „მეტალურგიის, შედუღებისა და მასალათმცოდნეობის პრობლემების“ მთავარი რედაქტორი. გამოქვეყნებული აქვს მრავალი სამეცნიერო შრომა, მონოგრაფია, სახელმძღვანელო. მიღებული აქვს სახელმწიფო ჯილდოები.
ორგანიზაციის წევრი
რედაქტირება- საქართველოს საინჟინრო აკადემიის და ეკოლოგიის, ადამიანისა და ბუნების დაცვის საერთაშორისო აკადემია, ნამდვილი წევრი.
ჯილდოები
რედაქტირება- 1997 — ღირსების ორდენი
- 1975 — საქართველოს სახელმწიფო პრემია
ბიბლიოგრაფია
რედაქტირება- შედუღებისა და რჩილვის პროცესების თეორია, თბ., 2005.
- ლითონების დნობით ელექტრორკალური შედუღების ტექნოლოგია, თბ., 1996.
- მეტალურგია : სახელმძღვანელო პოლიტექნიკური ინსტიტუტის მეტალურგიის სპეციალობის სტუდენტებისათვის, თბ., 1987.
- შედუღების პროცესების თეორია, თბ., 1979.
ლიტერატურა
რედაქტირება- ენციკლოპედია „საქართველო“, ტ. 4, თბ., 2018. — გვ. 159.
- წიგნი ღირსებისა: ტ. 2/ შემდგ.: ყიფიანი თ., გაჩეჩილაძე თ., სიმონიშვილი გ., თბ., 2001. გვ. 111