სიმონ საყვარელიძე

სიმონ საყვარელიძე (დ. 20 იანვარი, 1889, ჯგილათი, — გ. 25 ნოემბერი, 1968, თბილისი) — ქართველი ჰისტოლოგი, მედიცინის მეცნიერებათა დოქტორი (1928), პროფესორი (1930), საქართველოს სსრ-ის მეცნიერებათა დამსახურებული მოღვაწე (1944).

ბიოგრაფია

1914 წელს დაამთავრა ოდესის ნოვოროსიის უნივერსიტეტის სამედიცინო ფაკულტეტი. 1930-1968 წლებში განაგებდა თბილისის სამედიცინო უნივერსიტეტის ჰისტოლოგიის და ემბრიოლოგიის კათედრას, ერთდროულად იყო სტომატოლოგიური ინსტიტუტის დირექტორის მოადგილე (1938-1946) და სამედიცინო ინსტიტუტის დირექტორის მოადგილე (1946-1953).

ნაშრომები

საყვარელიძე სწავლობდა ადამიანის ნაყოფის კოლინჯის ეპითელიუმისა და კუნთოვანი ქსოვილის, საშოსა და საშვილოსნოს, აგრეთვე თირკმლის მენჯის რეცეპტორული აპარატის, საკვერცხების რეპარაცული რეგენერაციის, აგრეთვე მრავალუჯრედოვანი ორგანიზმის გამრავლების მრფოლოგიის საკითხებს.

• კერძო ჰისტოლოგია, თბილისი, 1969
• ემბრიოლოგიის საფუძვლები, თბილისი, 1957
• მიკროსკოპული ტექნიკა, თბილისი, 1931

ლიტერატურა

• ქართული საბჭოთა ენციკლოპედია, ტ. 9, თბ., 1985. — გვ. 202-203.