სასარი

სასარი (იტალ. Sassari, სარდ. Tàtari) — ქალაქი იტალიაში. მისი მოსახლეობა 130 000 ადამიანია (მეტროპოლიის 300 000) და წარმოადგენს კუნძულ სარდინიის მეორე უმსხვილეს ქალაქს მოსახლეობის რაოდენობის მიხედვით. მიეკუთვნება კუნძულის ერთ-ერთ უძველეს ქალაქს და ფლობს ხელოვნების მნიშვნელოვან კოლექციას.

ქალაქი
სასარი Sassari
დროშა გერბი
ქვეყანა	იტალია
რეგიონი	სარდინიასარდინია
კოორდინატები	40°44′00″ ჩ. გ. 8°34′00″ ა. გ.
მმართველი	Nicola Sanna
ფართობი	546,08 კმ²
ცენტრის სიმაღლე	225 მ
ოფიციალური ენა	იტალიური ენა
მოსახლეობა	130 656 კაცი (2009)
სიმჭიდროვე	0,2 კაცი/კმ²
სასაათო სარტყელი	UTC+1, ზაფხულში UTC+2
სატელეფონო კოდი	079
საფოსტო ინდექსი	07100
საავტომობილო კოდი	SS
ოფიციალური საიტი	comune.sassari.it
სასარი ვიკისაწყობში

ისტორიის განმავლობაში სასარის მართავდნენ თავად სარდინიელები, გენუელები, პიზელები, არაგონელები, ესპანელები და ავსტრიელები, რომელთაგან ყველამ საკუთარი წვლილი შეიტანა ქალაქის ისტორიულ და ხელოვნების მემკვიდრეობაში. საასარი მდიდარია ხელოვნებით, კულტურითა და ისტორიით, ცნობილია თავის ულამაზესი პალაცოთი და ელეგანტური, ნეო-კლასიკური პიაცებით.

როგორც სარდინიის მეორე უმსხვილესი და იტალიის მეხუთე უდიდესი მუნიციპალიტეტი (546 კმ²), კუნძულისთვის მას გააჩნია დიდი კულტურული, ტურისტული, კომერციული და პოლიტიკური მნიშვნელობა. ქალაქის ეკონომიკა ძირითადად ეფუძნება ტურიზმისა და მომსახურების სექტორებს, ნაწილობრივ კი კვლევების, მშენებლობის, ფარმაცევტულ და ნავთობინდუსტრიას.

ცნობილი სასარელები

• ანტონიო სენი — იტალიის მე-4 პრეზიდენტი
• ფრანჩესკო კოსიგა — იტალიის მე-8 პრეზიდენტი

იხილეთ აგრეთვე

• იტალიის ქალაქების სია მოსახლეობის მიხედვით

რესურსები ინტერნეტში

• On Line Guide

ქალაქის პანორამა