სამარყანდის ოლქი
სამარყანდის ოლქი (ვილაეთი) (უზბეკ. Samarqand viloyati) — უზბეკეთის რესპუბლიკის ადმინისტრაციული ერთეული. ადმინისტრაციული ცენტრი — ქალაქი სამარყანდი.
| ადმინისტრაციული ერთეული | ||
|---|---|---|
|
სამარყანდის ოლქი უზბეკ. Samarqand viloyati | ||
 | ||
| ქვეყანა |
 უზბეკეთი | |
| ადმ. ცენტრი | სამარყანდი | |
| კოორდინატები | 39°50′00″ ჩ. გ. 66°15′00″ ა. გ. / 39.83333° ჩ. გ. 66.25000° ა. გ. | |
| მმართველი | Erkinjon Turdimov | |
| დაარსდა | 15 იანვარი, 1938 | |
| ფართობი | 16400 კმ² | |
| მოსახლეობა | 3 444 800 (2014) | |
| სასაათო სარტყელი | UTC+05:00 | |
| ოფიციალური საიტი | http://www.samarkand.uz/ | |
| ||
ზოგადი მიმოხილვა
რედაქტირებაშეიქმნა 1938 წლის 15 იანვარს. მდებარეობს რესპუბლიკის ცენტრალურ ნაწილში, მდინარე ზარაფშანის შუა დინების აუზში. ფართობი 16.4 ათასი კმ². სამარყანდის ოლქის ჩრდილოეთ ნაწილში ნურათაუს და აქთაუს ქედები, ყიზილყუმის უდაბნოს ნაწილი; სამხრეთში — ზარფაშანის ქედის ჩრდილოეთ კალთები და ყარნაბჩულის სტეპი. ერთადერთი დიდი მდინარეა ზარაფშანი. სამარყანდის ოლქში განვითარებულია მანქანათსაშენი, ლითონდასამუშავებელი, ქიმიური, მსუბუქი და კვების მრეწველობა, მექანიზებული სოფლის მეურნეობა. სოფლის მეურნეობაშ დიდი ადგილი უკავია სარწყავ მიწებს. აგებულია წყალსაცავები და საირიგაციო არხები. მოჰყავთ ბამბა, თამბაქო, მარცვლოვნები, კარტოფილი, ბოსტნეული, ხილი. აშენებენ მსხვილრქოსან საქონელს, ცხვარს, თხას. განვითარებულია მეაბრეშუმეობა. სამარყანდის ოლქს კვეთს სარკინიგზო მაგისტრალი კრასნოვოდსკ-ტაშკენტი. განვითარებულია საჰაერო მიმოსვლა.
ლიტერატურა
რედაქტირება- ქართული საბჭოთა ენციკლოპედია, ტ. 8, თბ., 1984. — გვ. 707.