სავო კლიმოვსკი

სავო კლიმოვსკი (მაკედ. Саво Климовски, დ. 13 ივნისი, 1947, სკოპიე) — მაკედონელი პოლიტიკოსი, იურისტი, პარლამენტის ყოფილი თავმჯდომარე (1998-2000 წწ.) და ქვეყნის პრეზიდენტის მოვალეობის შემსრულებელი (1999 წ.).

სავო კლიმოვსკი Саво Климовски
მაკედონიის პრეზიდენტის მოვალეობის შემსრულებელი
თანამდებობაზე ყოფნის დრო
19 ნოემბერი, 1999 – 15 დეკემბერი, 1999
წინამორბედი	კირო გლიგოროვი
მემკვიდრე	ბორის ტრაიკოვსკი
მაკედონიის პარლამენტის მე-3 თავმჯდომარე
თანამდებობაზე ყოფნის დრო
19 ნოემბერი, 1998 – 30 ნოემბერი, 2000
წინამორბედი	ტიტო პეტკოვსკი
მემკვიდრე	სტოიან ანდოვი
დაბადებული	13 ივნისი, 1947 სკოპიე, მაკედონია
პოლიტიკური პარტია	დემოკრატიული ალტერნატივა
განათლება	სკოპიეს უნივერსიტეტი
პროფესია	იურისტი

ბიოგრაფია

სავო კლიმოვსკიმ მაგისრის სამეცნიერო ხარისხით 1974 წელს დაამთავრა სკოპიეს უნივერსიტეტის იურიდული ფაკულტეტი. სადოქტორო დისერტაცია დაიცვა 1978 წელს ლიუბლიანაში. 1971 წლიდან იურიდიული ფაკულტეტის ასისტენტია, შემდეგ დოცენტი და პროფესორი. 1992 წლიდან ფაკულტეტის დეკანია ორი ვადით. არის მრავალრიცხოვანი მონოგრაფიის და სახელმძღვანელოს ავტორი.

პოლიტიკური კარიერა

1986-1991 წლებში მაკედონიის სოციალისტური რესპუბლიკის განათლების, კულტურისა და ფიზიკური კულტურის მინისტრია. 1992-2000 წლებში პარლამენტის წევრია, ხოლო 1998-2000 წლებში პარლამენტის თავმჯდომარე. კირო გლიგოროვის უფლებამოსილების გასვლიდან ბორის ტრაიკოვსკის გაპრეზიდენტებამდე პერიოდში ასრულებდა მაკედონიის პრეზიდენტის მოვალეობას.

რესურსები ინტერნეტში

• ბიოგრაფია პარლამენტის ოფიციალურ საიტზე დაარქივებული 2013-01-26 საიტზე Wayback Machine.