რეიმსის საკათედრო ტაძარი

რეიმსის საკათედრო ტაძარი (ფრანგ. Cathédrale Notre-Dame de Reims) — რომანულ-კათოლიკური ტაძარი საფრანგეთის ქალაქ რეიმსში, სადაც ერთ დროს საფრანგეთის მეფეები გვირგვინს იდგამდნენ. მან ჩაანაცვლა ძველი ეკლესია, რომელიც 1211 წელს ხანძარმა გაანადგურა და რომელიც თავის მხრივ იმ ბაზილიკის ადგილას მდებარეობდა, სადაც რეიმსის ეპისკოპოსმა წმინდა რემიმ ფრანკთა მეფე ხლოდვიგ I მონათლა ახ. წ. 496 წელს. ამჟამად კათედრალი რეიმსის არქიეპისკოპოსის მთავარ ტაძარს წარმოადგენს.

რეიმსის საკათედრო ტაძარი, სენ-რემის ყოფილი სააბატოს და ტოს სასახლე*
იუნესკოს მსოფლიო მემკვიდრეობის ძეგლი
ქვეყანა	საფრანგეთი
ტიპი	კულტურული
კრიტერიუმები	i, ii, vi
სია	[1]
რეგიონი**	ევროპა
კოორდინატები	49°15′13″ ჩ. გ. 4°02′03″ ა. გ.
გაწევრიანების ისტორია
გაწევრიანება	1991  (მე-15 სესია)
ნომერი	601
* იხ. ინგლ. სახელი UNESCO-ს სიაში. ** იუნესკოს მიერ კლასიფიცირებული რეგიონი.

მსოფლიო მემკვიდრეობა UNESCO, ობიექტი № 601 ინგლ. • რუს. • ფრ.

ტაძარი შამპანის რეგიონის მთავარ ტურისტულ ღირსშესანიშნაობას წარმოადგენს, რომელიც 2006 წელს ნახევარმა მილიონმა ადამიანმა მოინახულა..

გათხრები ცხადყოფს, რომ თანამედროვე კათედრალი აღმართულია ძველი ტაძრის ადგილას, რომელიც ახ. წ. 400 წელს წმინდა ნიკეზმა დააარსა. ტაძარი ხელახლა აშენდა XII საუკუნეში, კაროლინგების მმართველობის პერიოდში. მაგრამ, 1210 წლის 6 ივლისს, ის ხანძარმა გაანადგურა. აღდგენითი სამუშაოები მალევე დაიწყო და 1211 წლისთვის, ტაძარი თითქმის ხელახლა აშენდა.

1991 წელს, სენ-რემის ყოფილ სააბატოსა და ტოს სასახლესთან ერთად, იუნესკომ კათედრალი მსოფლიო მემკვიდრეობის ძეგლთა სიაში შეიტანა.

იხილეთ აგრეთვე

• იუნესკოს მსოფლიო მემკვიდრეობის ძეგლები საფრანგეთში
• მსოფლიო მემკვიდრეობის ძეგლების სია ევროპაში

რესურსები ინტერნეტში

ვიკისაწყობში არის გვერდი თემაზე:

რეიმსის საკათედრო ტაძარი

• (ფრანგული) Cathedrale-reims.com
• Photos დაარქივებული 2011-06-07 საიტზე Wayback Machine.
• 360 degrees panoramas დაარქივებული 2020-12-09 საიტზე Wayback Machine.