რევაზ ჩოლოყაშვილი (XVII ს.)

რევაზ ჩოლოყაშვილი (გ. 1648), კახეთის სამეფოს სახლთუხუცესი XVII საუკუნის 40-იან წლებში. თეიმურაზ I-ის ერთგული თანამებრძოლი. მისი რჩევით თეიმურაზ I-მა 1648 წელს თავისი ჯარის ნაწილი ბიძინა ჩოლოყაშვილის მეთაურობით ერწოს დასარბევად გაგზავნა. ამის შედეგად დასუსტებული თეიმურზის ლაშქარი ქართლის მეფე როსტომმა უღლისთან ბრძოლაში დაამარცხა. ჩოლოყაშვილი გმირულად დაიღუპა ამ ბრძოლაში.

ლიტერატურა

• ხანთაძე ნ., ქსე, ტ. 11, გვ. 147, თბ., 1987