ჟორჟ ბუიონი

ჟორჟ ბუიონი (ფრანგ. Georges Bouillon) (დ. 25 ივნისი, 1915, ქ. ანჟე, ბელგია, — გ. 22 მაისი, 2001, ქ. ვირტონი, ბელგია) — ბელგიელი მწერალი, გამომცემელი.

დაამთავრა ლიეჟის უნივერსიტეტის ფილოსოფია–ლიტერატურის ფაკულტეტი (1937). II მსოფლიო ომის დროს მონაწილეობდა წინააღმდეგობის მოძრაობაში. სამწერლო ასპარზზე გამოვიდა XX საუკუნის 40–იანი წლებიდან. გამოქვეყნებული აქვს ლექსების და მოთხრობების კრებულები, მონოგრაფიები ხელოვნების საკითხებზე. იყო გამომცემლობის და ლიტერატურული ჟურნალის „ლა დრიადის“ დამფუძნებელი და რედაქტორი (1955-1987).

დაინტერესებული იყო ქართული ლიტერატურით. სამჯერ იყო საქართველოში. აღსანიშნავია მისი წიგნი „ოქროს საწმისის ქვეყანაში“, რომელიც გამოიცა 1978 წელს ბრიუსელში და ეძღვნება ქართული ლიტერატურის საკითხებს ძველი დროიდან თანამედროვეობამდე. სისტემატურად აქვეყნებდა წერილებს ქართველ მწერლებსა და მეცნიერებზე, რეცენზიებს.

ბიბლიოგრაფია

Au pays de la Toison d'Or : la Géorgie, La Dryade, Vieux-Virton, 1978; coll. Variétés, n° 58.

ლიტერატურა

ბუაჩიძე გ., ოქროს საწმისის ქვეყანაში, «ლიტერატურული საქართველო», 1978, 7 ივლ.
თურნავა ს., ქართული მწერლობის დიდი მეგობარი, «საუნჯე», 1987, № 2.
ენციკლოპედია „საქართველო“, ტ. 1, თბ., 1997.

რესურსები ინტერნეტში

ჟორჟ ბუიონი — უცხოელი ქართველოლოგები