ჟალე
ჟალე (ნამდვილი გვარი სოლთანი, ქმრის გვარი ბადი) (დ. 1922, ისპაანი), ირანელი პოეტი. შაჰის რეჟიმთან კონფლიქტის გამო 1946-იდან ცხოვრობდა სსრკ-ში.
1952 დაამთავრა აზერბაიჯანის უნივერსიტეტის ფილოლოგიური ფაკულტეტი. ჟალეს ლექსების პირველი კრებულია "მინდვრის ყვავილები" (1944). ავტორია კრებულის "დედები ითხოვენ მშვიდობას" (1956), პოემისა "მერცხალი" (1960) და სხვები. ჟალე წარმომადგენელია სპარსული ლიტერატურის ახალი მიმდინარეობისა - " შე‘რე ნოუ", რომლის დამახასიათებელი თვისებაა ტრადიციული ნორმებიდან გადახვევა, თავისეფალ რიტმიკასა და ახალ პოეტურ სახეებზე აგებული ლექსი.
ლიტერატურა
რედაქტირება- ქართული საბჭოთა ენციკლოპედია, ტ. 8, თბ., 1984. — გვ. 239.
