პურის ყანა ყორნებით

პურის ყანა ყორნებით (ნიდერლ. Korenveld met kraaien) — ნიდერლანდელი პოსტიმპრესიონისტი მხატვრის, ვინსენტ ვან გოგის ნახატი, შესრულებული 1890 წლის ივლისში.

პურის ყანა ყორნებით
Wheatfield with crows
ავტორი	ვინსენტ ვან გოგი
წელი	1890
კატალოგი	F779 , JH2117 და 156
ტიპი	ზეთის საღებავები, ტილო
სიმაღლე	50,5 სმ
სიგანე	103 სმ
ქალაქი	ამსტერდამი
მუზეუმი	ვან გოგის მუზეუმი

მიუხედავად იმისა, რომ ეს სურათი ოვერში შექმნილი იმ ტილოების სერიიდანაა, რომლებიც მოსავლის აღების თემას ეხება, ვან გოგის ეს ერთ-ერთი ბოლო ნამუშევართაგანი სევდიანი მისტიციზმის საბურველშია გახვეული. სურათი აღიქვეს როგორც მხატვრის სიკვდილის წინასწარმეტყველება, მისი აღსასრულის მომასწავლებელი ნიშანი. ვან გოგი იმ დროს თავს უკიდურესად მარტოსულად გრძნობდა და სულიერად იტანჯებოდა. მას ეშინდა, რომ ფინანსური პრობლემების გამო, მისი ძმა თეო, ვეღარ შეძლებდა მის დახმარებას. უკაცრიელი მინდვრებით, რომლებსაც ყორნები დასტრიალებენ თავს, გზებით, რომლებსაც არსად მივყავართ, პირქუში, მრუმე ცითა და ტალღების მსგავსი ხორბლის ყანით მან დიდი სიზუსტით გადმოსცა ის ძრწოლა, რომელიც გამუდმებით თან სდევდა. ეს იყო უძლურება უსაზღვროების წინაშე.

ლიტერატურა

• დიდი მხატვრები, ვან გოგი, გამომცემლობა პალიტრა L, თბ., 2010
• Erickson, Kathleen Powers. At Eternity's Gate: The Spiritual Vision of Vincent van Gogh, 1998. ISBN 0-8028-4978-4
• Walther, Ingo F.; Metzger, Rainer (2010) Van Gogh: The Complete Paintings, გვ. 680–682. ISBN 3-8365-2299-3.