- ბელორუსიის ცენტრალური საარჩევნო კომისიის განცხადებით, უკვე დამუშავებულია საარჩევნო ბიულეტენების 100% და დადგინდა, რომ 19 დეკემბრის საპრეზიდენტო არჩევნებში ხმების 79,67% ალექსანდრე ლუკაშენკომ მიიღო. ოპოზიციის ლიდერებმა გამოცხადებული შედეგების მიმართ პროტესტი გამოხატეს. კვირას მინსკში, დამოუკიდებლობის პროსპექტზე მთავრობის სახლის მიმართულებით მრავალათასიანი მსვლელობა მოეწყო. მილიციამ დააკავა აქციის მონაწილეები. გავრცელდა ცნობა პრეზიდენტობის ოპოზიციონერი კანდიდატების დაკავების შესახებ. აქციის დაშლისას დაშავდა ათამდე ჟურნალისტიც. (რადიო თავისუფლება)
|
