პორტალი:ახალი ამბები/2010 აგვისტო 7

მიმდინარე მოვლენები 7 აგვისტო, 2010 (2010-08-07) (შაბათი)

რუსეთში განვლილი დღე-ღამის განმავლობაში 14 ათასი ჰექტარით გაიზარდა ტყის ხანძრის ფართობი. საგანგებო სიტუაციების სამინისტროს ინფორმაციით ხანძარი გავრცელებულია 190 ათას ჰექტარ ტერიტორიაზე, რის შედეგადაც 52 ადამიანი დაიღუპა. (რადიო თავისუფლება) სამხრეთ ავღანეთის პროვინცია ღაზნიში ქვეყნის პარლამენტის დეპუტატობის კანდიდატი მოკლეს. პოლიციის ინფორმაციით, თავმოკვეთილი გვამი ნაჯიბულა გულისტანისაა, რომელიც ორი კვირის წინ გაიტაცეს. რადიო თავისუფლება) ჰელმანდის პროვინციაში ნატოს ორი სამხედრო მოსამსახურე დაიღუპა. ისინი ნაღმზე აფეთქდნენ. ამ წლის დასაწყისიდან მოყოლებული ავღანეთში საერთაშორისო ძალებმა 420 კაცი დაკარგეს. რადიო თავისუფლება) ხანგრძლივი ავადმყოფობის შემდეგ თბილისში 83 წლის ასაკში გარდაიცვალა ცნობილი ქართველი მეცნიერი და საზოგადო მოღვაწე, ფილოლოგიურ მეცნიერებათა დოქტორი, საქართველოს მეცნიერებათა აკადემიის წევრი, პროფესორი რევაზ ბარამიძე. იგი 1928 წელს დაიბადა ცნობილი პედაგოგის, გრიგოლ ბარამიძის ოჯახში. რევაზ ბარამიძე იყო 200-ზე მეტი სამეცნიერო ნაშრომისა და ასზე მეტი მონოგრაფიის ავტორი. ასწავლიდა ცხინვალის უნივერსიტეტში, თბილისის სახელმწიფო უნივერსიტეტში, თბილისის სასულიერო აკადემიაში. რევაზ ბარამიძე დაჯილდოებული იყო ექვთიმე თაყაიშვილისა და ნიკო მარის პრემიებით. იყო ევროპის მთელი რიგი უნივერსიტეტების საპატიო დოქტორი. (რადიო თავისუფლება)